[معلومات العضو شافي بن راشد النتيفات]

ياهاجسي لك ثلاث شهور وزيادة=صايم عن الشعر واليوم استعن بالله

خابرك لك في الفضا منزال وريادة=بنيت فلة ورى فلة ورى فلة

يوم إن بعض العرب حط الشعر عادة=المقدي الله معه والتايه ندله

والشعر في المدح يبغى فن وإراده=ويساق صوب الرجال اللي تبين له

ماهوب يجبر على شياً مايعتاده=مدح المجامل يهين الرجل ويذله

راسي عنيد ومدح أهل الوفا قناده=والمدح في اللي كفو والله مامله

يستاهل المدح منهو جا على العاده=اللي حوى الطيب والناموس بسجله

شيخاً على شيخ وسياده من سياده=اللي ملك منزل مرموق في حله

له منزل في الفضا يمناه ترتاده=المجد منحازله والطيب له كله

وشلون وهو الذي يفخر به شداده=عون الرفيق وعلى كبد العدو عله

يامستمع في الخبر لاجاك نشاده=هذا الخبر مبتداه محمدٍ شله

من نسل عودٍ الى من ذكرو القاده=شيخاً وراس الشياخه ياقف رضاله

شيخ الدواسر زعيم المجد وسناده=اللي له الروس تخضع قدر مع ذله

سيوفهم في نهار الهوش جلاده=اخوان جازا على العدوان منهله

وعدٍ لمن طاب ماينظام وراده=تحلحل اللي صعيب كايد حله

من لاد مسعر لحوض الموت وراده=لاهاب منه الردي تارده وتعله

كسب الجمايل من اقصاها لهم عاده=طبع لهم والطبيعة منحه من الله

قلته وانا لابتي يوم الجهل ساده=نتيفي ن في الملاقا ننقل السله