[معلومات العضو غزلان.]

فانوس سحري

كتبي رساله لي موصفه لحالك=شرحي مدى أو سر الاعجاب منّي
فيها تنوّع من شعورن طرى لك=من جاذبيتي كيف صرتي تغنّي
علمي بحبي كيف يرتاح بالك=بَيني مقاومتك حضوري بفنّي
مشغول حاليّن ولابه رجا لك=قصتك ذيليها طلب حسب ظنّي
مهلك على هونك، شطح بك خيالك=هذي أنا يامن مشى لي يدنّي
يامن خطاويك إتعثّر حبالك=يامن سكوتك هو علامة فتنّي
محتار، ملتاع ومضيّع مجالك=حالتك رايح جاي ليتك تحنّي
ناظرتني وش ذا، جمال المهالك=يرحم زمن قالت عيونك طعنّي
زايد غرورك، ماتمييز قبالك=مارد على فانوس سحري يمنّي!

وسلامتكم غزلان