[معلومات العضو محمد بن سالم الخضراني]

السلام عليكم ورحمة الله وبركاته
مسائكم /صباحكم / بالخيرأخواني الاعزاء اقدم لكم مجموعه من قصائدي
عسى ان تنال اعجابكم قصيده

قصيده في حفل الشيخ بادي ال بو زمام المقام للشيخ هذال ابن راشد الحقباني[/color][/size][/font][/center]

في محل أهل المروه والفراسه=والكرم والجود واليمنا الكريمه
يقدح الجزلات راسي من حماسه= واتفاخر في فعول أهل العزيمه
في ضيافة بادي من طيب راسه= للحليم ابو المهمات العظيمه
الشجاع اللي درس رايه وداسه= وستخار وفاز بالعلياء وشيمه
بالفعول الكايده فصّل الباسه= ولسمات الخير في وجهه وسيمه
ماخذاء طيبه على الدنياء دراسه= بالتجارب خاضها وخذ الغنيمه
يستحق المدح ووسام الفراسه=ويستحق الكايده وشداد ريمه
كلا قرم من فعوله شاش راسه= كل رجلا فيه خير وفيه قيمه
جعل يفدونه مدورت البلاسه=وجعل يوفدونه مدورت النميمه

قصيده تحكي حال المجتمع ومايدور من احوال الناس عام 1430

الله لايغني النفوس الرخيصه= والله يقطع كل واشي وهراج
والله لايمهل بعمر النقيصه= اللي على غرات الاجواد هجاج
ناس على شذب المجنب حريصه=وصدورهم اسود من اليل والصاج
خلاهم الشيطان مثل القليصه= حتى غدو في نحور الاجواد مزلاج
يبغون شاشات الخلايق خبيصه=ويسعون في بث النميمه والازعاج
اطيبهم يخوفه طرقة قميصه= وارداهم اللي صار لعبه ومسهاج
وأخسهم غوج بكبر الفريصه = يهاوز المقفي ولا لفه له ماج
يكود تسمع بالمطرف وصيصه=وعلى الاقارب غاديا صوته اخلاج
عادات لصحاب النفوس الخليصه=عادات وخذوها مع الناس منهاج

وهنا ابيات اخرى

لابان وجهه الكريه وبان وجهه الجبان= ترى الردى والخطاء حصيل نتايجه
ولا لفاني خطاء طمرت طمرت احصان=وقصرت رجلي عن ادروبه ومن دايجه
ادرى مناقيد خلق الله وحكي اللسان=وماصدق اهل الحكاء بالكذبه الرايجه
لاني عرفت ان دورات الحياة أمتحان= وان الزمن توجع الرجال حوايجه
لاكن بفضل العزيز يهون جرح الزمان=ومن قدم الطيب يجني فعل نتايجه
ومن يحتزم بالردي يبشر بطعم الهوان=لاطاح وسط البحر ومواجه الهايجه