بسم الله الرحمن الرحيم
هذه قصيدة للشاعر ظفر بن محمد الشكره
في مدح اهل الدين عسى نكون منهم
بديت بسم إمنزّل الذكر تنزيل=الطور والطارق ومريم وطه
وعقبه نصلي عد وبلٍ هماليل=على شفيع الخلق ساعة عناها
ياناس هالوني ازحول الرجاجيل=اقصارالثياب اللي إطوال(ن) إلحاها
ياماحلا سجداتهم تالي الليل=واعيونهم لله جادت إبماها
حياتهم طاعه وذكر(ن) وتهليل=وتسبيح واستغفار للي بناها
سبع(ن)بلا عمدان وأخرى مقابيل=ثبّت قواعدها ورسّى ثراها
يالله ياللي تتبع الجيل بالجيل=نورت الأرض ونورها في سماها
طالبك عند الموت رحمه وتسهيل=لاغرغرت روحي وقصرت اخطاها
وثبت فؤادي ساعة الوزن والكيل=في ذاك تلهى المرضعه عن ضناها