لكل مهتم ولكل محب ولكل متابع لحاله وصحه الشاعر العلم والرجل الشهم
والقمه الشامخه / بدر بن نايف
ابشركم بخروجه من المستشفى وفتره النقاهه سليم معافى بحول ومنته
ويتمتع الآن بالصحه والعافيه وسيعود لكويت السلام في القريب العاجل وهو
ينتظر مراجعته التي نسأل الله ان تكون المراجعه الاخيره له في المستشفيات
ونسأل الله العلي القدير ان يكون ما اصابه طهور له
هذا ما قاله لي ابونايف قبل قليل في اتصاله من محل اقامته في لندن والتي سيودعها قريبا عائدا لذويه ومحبيه ووطنه الكويت
وتلك قصيده الشاعر القدير مشعل الذيابي العتيبي التي وجهها له في لندن
ياراكب اللي دربهـا بيـن السحابـة والقمـر=تقول تنطـل فالنجـوم اللـي تمـر بهـا ورا
اليا اقلعت مثل الصقر وان وقعت مثل القصر=تصميم ناس ٍ في فنـون الابتكـارات خبـرا
بوينق ما تحسب حساب رمال وجبال وبحـر=وسواقها لا داس عن نظـام ساهـر مـا درا
اركب ورغم البعد ما انت بحاجة لجمع وقصر=صلـي المغـرب بجـدة والعشـا فانجلتـرا
وان جيت لندن مرتع ودار الغناديـر الشقـر=ما سيرت بالرجل فيها كل سمرا وصحـرا:)
اخذ الكتاب وسلمه للشيـخ ابـن نايـف بـدر=الصاحب اللي بيني وبينـه وثيقـات العـرى
راع الوفا والمرجلة والجود والذكـر العطـر=اللي بسوق العز باع امع النشامـى واشتـرى
ذخر الدواسر كاسبين الطايلة واهـل الظفـر=صفوة رجال ٍ فالوغى فرّيس والسلـم اومـرا
ذيدانهم بوسومهم ترعى الزهر فارض الخطر=وايمانهم تخلي سـروج الخيـل لا رد البـرا
قلّه سلام الله عدد ما ما مالت غصون الشجر=وعداد ما سالت دموع المزن مع خد الثـرى
وقلّه سلامتك وعسى ما جاك كفـارة واجـر=وغير السعادة والهنا والطيب جعلك ما تـرى
ويلبّسك ثوب الشفـا ويمـدك بعـزم وصبـر=الواحد اللـي مالنـا غيـره مـلاذ ولا ذرى
وتعود متعافـي لنـاس ٍ لـك بداخلهـم قـدر=ناس ٍ ربيع قلوبهـم قولـة ولـد نايـف بـرا
دعوة صديق ٍ صادق بخوتـك دايـم يفتخـر=ويلهج لسانه بالدعا لك في ربـوع ام القـرى