السلام عليكم ورحمة الله وبركاته
هذه قصيدة موجهه للأخ الشاعر المدير العام لموقع تغلب / محمد بن الأشيب الغريري
ومعرفه بالموقع ( التغلبي )
والقصيدة تعبر عن نفسها
قبل مبدا القصيده بذكر الله خالق الانسان=عظيم الشان سبحانه له العزه والإجلالي
له المخلوق يسجد ويتهجد يطلبه غفران=رحيمٍ يغفر الزله ويكتب خير الأعمالي
إلا ياراكبن من عندنا من فوق بنت حصان=اصيله ماركبها غير فارس قوم خيّالي
ليامن شلّعت تصبح كما طيرن بلا جنحان=وكن الأرض لاطارت كما وهّاجن و صالي
توجه يا نديبي صوب دار القرم ابن سلطان=حفيدٍ للرجال اللي يبيعون العمر غالي
يبيعون النفوس الغاليه في حزة الاكوان=ليا من طوحت بيض العذارا باسود الشالي
سلام الله بريح العود الأزرق خالطه ريحان=على الاشيب رفيقٍ منزله فوق العلا العالي
الى منك وصلت لمنزله عطه الخبر باعلان=ووجه له سؤال يصعب اللي له حلالي
الا يالتغلبي نبغا حلول تبري الوجعان=لحيث انك ابوها سمها يانسل الابطالي
نبي قصرٍ على الطاعه مشيّد مانبيه يهان=نبي نسلم نبي نسلم هروج القيل والقالي
نبي نلجم لسان المفتري ونقفل البيبان=لجل لا زارنا يا صاحبي ما شاف مدخالي
ثغورٍ واضحه يا صاحبي عندي لها برهان=وحنا مانبي مجهودنا في ضحكت هبالي
والا يالتغلبي منهو يجازي جهدك ابنكران=نقول انه خسيس و جعل ماله في الزمن والي
وختم القاف صلى الله على محمد نسل عدنان=عدد مالاح برق وعد ماينهل همالي