اقتباس:
المشاركة الأصلية كتبت بواسطة الشاعر: فهد فارس
مساء الخير للجميع
السلام عليكم ورحمة الله وبركاته
نايف الجال
كيفك انشاء الله طيب
انا عضو اشتركت بعدك ولكن
اسمح لي ان ارحب فيك ابيتين يالقرم يالغالي
لأن هذا محل الجميع(منتدى الدو اسر)
ارررررررحب تراحيبً تهز الرجاجيل = شرواك ياللي تستحق التراحيب
حياك ربي في محل المشاكيل = المنتدى ذا له علينا مطاليب
ابسط احقوقه نرفعه من ورى اسهيل = خصاً الى جا فيه ربع المواجيب
حنا الدواسر كاسبين التنافيل = نعرف الى منه عوى الذيب للذيب
وتقبلوا احلى وأرق تحيات
الشاعر فهد فارس الصخابرة ( المشهور) |
أرررررحب يالمشهور
والحق علي إني أرحبك
ولو إنا كلنا معازيب في المنتدى اللي جمعنا
الله لايهين كل من شارك فيه
فقلت
وبك البقا بعداد وبل المخاييل = ياللي ترحبي وقدنا المعازيب
أنت إللي أرحب حقك البن والهيل = وترحيبة ترقى بروس المراقيب
مثلك يشرفنا وتذبح له الحيل = على الصحن من فوق عوج العراقيب
ومادامنا بالطيب بنصف ونشيل = وبجهودنا نتعب على كسبت الطيب
بنبني صروح شامخه بين ذالجيل = وأمجادها من عصرعطب المضاريب
زايد وتغلب عز وإعدل ولاتميل = دوسر فخرنا عند كل الاجانيب
أبوتركي الشكري ( نــايـــف الـجــــــــال )