هذه الأبيات المتواضعة شاركت بها في حفل تخرج ابناء قبيلة الدواسر
من مدينة تدريب الامن العام بالرياض لهذا العام والذي نقل على قناة الأماكن.
وعسى ان تنال على استحسانكم
ياهاجسي لعل مالك مهونة = عطني وانا بعطيك من عذب الالحان
والجزل انا راعيه وانا زبونه = ويزين في مدح النشاما هل الشان
المدح يزهاهم ويستاهلونه= امدح بني عمي طويلين الايمان
حنا كما ضلعً امتانً اركونه = ماهزته لرياح لو كان ماكان
خذنا سنام المجد مناب دونه= دواسرً نرسي على مر الازمان
الى زما العايل كحلنا عيونه= نعرف الى من ثار للحرب دخان
عدونا فالحرب تنزف طعونه = يشهد لنا التاريخ والسيف شامان
مانضرب الا الراس باعلى متونه = نشبع طيور الجو والذيب سرحان
ويوم الدهر قاسي وكشر سنونه = رمز الكرم حنا لضيفً وجيران
ووسم العصا سلمً وفعلً نصونه = واوطاننا مشهورةً بين الاوطان
وباقي القبايل نعم مابه مهونة = وكلً على فعله يغني بالالحان
وسلامتكم