تحيه معطره بالعود الازرق ودهن العود
لمن شرفني بمروره العطر
من القصائد الرائعه لشاعر احمد الناصر بثتها قناة الصحراء بصوت العذب ناصر السيحاني
انا آقول ياستار فات أول الليل
تعدى أوله ما باقي الا قليله
ترى الليل ما يصلح بليا تعاليل
تعاليل يبرن القلوب الغليله
انا اللي جرالي في حياتي غرابيل
غرابيل يدعن الدقاقه جليله
الا يا عيوني هلي الدمع بالحيل
عليك القصيره يا عيوني طويله
الا واعناي من الليال المقابيل
ليال على الحمى تزيد المليله
ليال تبدل للمحبين تبديل
تجيب التفرق للخليل وخليله
هوايه كليف ولا تجيها المراسيل
نحاني زماني عن وليفي بحيله
خذا القلب واودعني سواة المهابيل
حسين النبا اللي نافل كل جيله
ملكني هوى راعي العيون المضاليل
وانا من قبيله والغضي من قبيله
عليها عيوني كن فيها سماليل
ولالي صديق قال واعزتيله
له ارفع بصوتي وألحق الويل بالويل
ترى الموت زين ولا الحياة الذليله
نويت السفر يالله عليك التساهيل
ابمشي وحالي من فراقه عليله
انا اسهر وحالي كل يوم بتنزيل
وهو مثل وصف القايده للجميله