[معلومات العضو محمد مطلق آل بريك]

بسم الله الرحمن الرحيم

في احد الايام ارسل لي أحد خوياي مسج بالجوال

يوم فتحت الرساله وجدت بها عدت أبيات وأعتقد أنها مشهوره ويعرفها كثير من الناس ولكن لايحضرني منها سوا هذه البيتين ..

تل الركايب وأطلق الشوف قدام=وأبشر برجل مايخون الصداقه
ياصاحبي ماني من اللي ليا هام=قفل حسابات الخوي والرفاقه

الشاهد من الكلام أن رسالته تعبر عن موقف صار بيننا
وهاضت قريحتي بعدة أبيات أتمنى أن تحوز على رضاكم أقول فيها ~~

البارحه والجفن يالقرم مانام=والهاجس بفكري يزيد أصطفاقه
سجدت للي بالخفيات علام=أدعيه وأزين معاه العلاقه
ثم شمت عن دنيا المصالح والأحلام=وصداقة الدنيا تسمى صداقه
سبحت لي مده بغبات الأوهام=وقفلتنا الأعمال ولا الرفاقه
حسابها مفتوح مع كل ضرغام=وأنا له المعكاز في كسر ساقه
وأنا علا درب المداغيش عزام=اللي يعشقون المراجل عشاقه
وشرواك من ربع عزيزين وحشام=وأقدره وأغليه بد الرفاقه
ومدام راسي حي يانسل الأكرام=والله مأخون اللي يصون الصداقه

وسلامتكم ...