هاضني براق ليل شمال وأمطرى=هاضني وأبديتنا من جزيلات الكلام
هاضني ليته تحدر على خشم القرى=ويتحدر لين يسي مداهيل الجهام
فلج صدري لج شول يساق ويقهرى=يقهره راعيه ويزداد دقه في الزحام
وحن قلبي حن شاص مع الشقه سرى=حملته ستين صندوق مرصوصه تمام
وحن قلبي حن سقس (ن) بحمله يجبرى=زودوا حمله وراعيه وطاه العدام
حاير محتار والباب دونه عسكرى=وأن طلبته حاجتن قال لي حسب النظام
من نشدني قلت مرتاح والرب أخبرى=مامعي غير المجامل وضحك وأبتسام
فيارشيد القرم يامحزمي وأنت الذرى=كان ماجا منك فزعه فأنا حالي حطام
فماحلا عقب السجن جيكم فالمخضرى=جيكم يادرع جنبي وعضدي والحزام
حرف الميم