السلام عليكم ورحمة الله وبركاته وبعد منسوبي منتديات قبيلة الدواسر الرسمي أهدي لكم هذه المساجلة الشعريه اللتي جرت بيني وبين الشاعر الكبير نعير بن محمد بن شلوان العرجاني وكان هو البادىء ويقول وعمر القارىء يطول :
البـارحـة سـهــران وأكـتــب مكـاتـيـب=وليا إنتـهـى لـــي فـكــرةٍ جـــات فـكــره
مـا أمسيـت ليلـي واجتلـد كنـي الـذيـب=وعلـى القصيـدة جـرّنـي سـلـك مـكـره
واجــب عـلـي أرتــب الـقـاف ترتـيـب=دام الـقـلـم يـكـتـب ورعّــــاف حــبــره
هاجـوس فكـري مايهـيـب الأصاعـيـب=ولـيـا حـظـر باللـيـل مــا قـلـت بـكــره
واتعب على الطاروق بأحسن الأساليب=وافـرح الـيـا شـفـت المناهـيـج عـسـره
يابـن بطـي راعـى الـوفـا والتراحـيـب=مثلـك عـسـى المـولـى يـطـوّل بعـمـره
دغـش دغـش يـا منبـع الـعـز والطـيـب=شـرواك عـنـدي فالـصـدر بــان قــدره
مايلـحـقـك شـــكٍ ولا يلـحـقـك ريـــب=شاعـر وعنـدك فـي الطـواريـق خـبـره
هـديّـتـك يـــا كـاســبٍ شـمّــخ الـنـيــب=تسوى مـن أغلـى الـذود خمسيـن بكـره
سيـفٍ مجـرّب مــن سـيـوفٍ محـاديـب=خـويّـكـم مــــا بــيّــح الــهــم صــبــره
مــن لابـــةٍ لـلـجـار تـاســم مشـاعـيـب=دخيلـكـم مــا ضـيّـق الخـصـم صـــدره
أهـل الـدلال الصفـر وأهـل المواجيـب=والـعـود الأزرق يطّـبـخ فــوق جـمـره
للـطـيـب كـسّـابـه نــهــار المـكـاسـيـب=كــم خـايـعٍ مــا ديــس تـرعـون قـفــره
يابـو بطـي طيـبـك بــروس المراقـيـب=والـرابـح الـلــي يـمّــدح عـنــد ذكـــره
وافـي مـع الوافيـن مــا بــك عـذاريـب=الطـيـب دايــم فـــي ممـاشـيـك فـطــره
عون الضعيف اللي همومـه محاضيـب=مشهـور طيبـك بـيـن الأجــواد شـهـره
تـو الخصـيـم تصـيـر نــار و لواهـيـب=حـرٍ مخاليبـك عـلـى الخـصـم جـسـره
طير السعد شرواك عطب المضاريـب=حــرٍ جـبـل سنـجـار سـاســه ووكـــره
يقولـهـا الـلـي لاهـقـى ظـنــه يـصـيـب=شاعـر مــع الشـعّـار ماأحـتـار بـامـره
يابـو بطـي يـا شــوق سـيـد الرعابـيـب=هيضتنـي ثــم جــات عـشـره وعـشـره
وهذا ردي على الشاعر نعير بن شلوان
يالله ياللي تعلم السر والغيب=ياواحـدٍ دورات الأيـام بأمره
إنك تجنبنا عنِ الشر تجنيب=وإنك تدبرنا على خير دبره
فهات القلم ياكاتبين المكاتيب=وإليا نقص حبر القلم زيد حبره
ودي نجاري ناطحين المواجيب=اللي على كسب النواميس شطره
لو كان مالي من وراهم مطاليب=لاشك سايقني على الرد حشره
كسبت من دنياي بعض التجاريب=وأخذيت من الأيـام درس وعبره
توي صغير وكاسيٍ راسي الشيب=من جور وقتٍ شفت حلوه وغدره
فترى الزمن يمضي بدنيا التعاجيب=وترى البحر ماينقصه غرف ٌقطره
ويانعير بن شلوان ياماكر الطيب=شرواك عندي يرفع الراس ذكره
هديتك لي ياعطيب المضاريب=عندي كما الجاوي إليا فاح عطره
لبيت ثم فزيت شفـقٍ بترحيب=لباي من يقرن الحجة بعمره
يالشاعر الوافي حسين الاساليب=يامنهلٍ يروي أليـا سال قطره
من لابةٍ لاجاء اللقاء تشبع الذيب=لامن إرتكز بارودها عج كدره
خيالة السمراء طوال الأشانيب=كم شيخ قومٍ زارهم زار قبره
عدوهم يسقوه كدر المشاريب=وصديقهم محشوم لو طال عمره
هذا وسامحني عن النقص ياأديب=جاتك تحياتي وردي وشكره
وسلامتكم جميعاً
أخوكم : دغش بن بطي