من لابـةٍ للجـار تاسـم مشاعيـب
دخيلكم مـا ضيّـق الخصـم صـدره
أهل الدلال الصفر وأهـل المواجيـب
والعود الأزرق يطّبـخ فـوق جمـره
للطيـب كسّابـه نهـار المكاسيـب
كم خايعٍ مـا ديـس ترعـون قفـره
صح الله لسان العرجاني عز الله إنه شاعر وافي وجزل وما قال إلا الصحيح في مدح الدواسر بشكل عام والغياثات بشكل خاص ، وعز الله انك تستاهل البيضاء يابو بطي وما قيل قليل في حقك.
من لابةٍ لاجاء اللقاء تشبع الذيب
لامن إرتكز بارودها عج كدره
خيالة السمراء طوال الأشانيب
كم شيخ قومٍ زارهم زار قبره
عدوهم يسقوه كدر المشاريب
وصديقهم محشوم لو طال عمره
صح لسانك يابو بطي ، و كفو والله بصبيان آل العرجاء ، حقهم وافي بين القبايل اول وتالي ، ويستاهل رفيقك كل علم غانم .صوت وصدى رائعين من شاعرين كبيرين جزلين ، ومن أروع المساجلات التي قرأتها.