[size=4][align=center][font=Arial]مشاركة مني باحتفال أهالي الرياض هذه الليلة بمبايعة الملك عبدالله بن عبدالعزيز ، أضع بين أيديكم هذه المقطوعة المتواضعة وإن كانت قديمة بعض الشيء ، كتبتها في موقف يتذكره الجميع بكل فخر لأبي متعب حينما كان ولياً للعهد ، وذلك في قمة الدول العربية بالقاهرة مع أحد الزعماء الذين ابتليت بهم أمتنا العربية المكلومة:
[/align][/font][/size]
تسلم لشعبك لاعدمناك يامير=يا شاري العليا بغالي ثمنها
لك موقف مشهود بين الطوابير=ولك كلمة في الحق ما حدت عنها
رفعت راس اللي براسه صعاطير=واخرست من نفسه تزايد عفنها
ودقيت في نعش الهياما مسامير=اللي تخطّا والمرض في بدنها
وجات الحقيقة واضحة دون تزوير=للأمة اللي عوقها صار منها
ياما التمسنا للخطية معاذير=من زمرة(ن) صيت السعودي غبنها
وياما تحملنا كثير المخاسير=لجل العرب من شامها لا يمنها
نعطي بلا منة جنيه ودنانير=ودار العروبة من تضايق زبنها
دار الوفا... دار الرجال المناعير=دار(ن) بها راع الكرامة ضمنها
يا بلادي اللي حبها شلته صغير=أكبر ويكبر لو تطاول زمنها
حبك ورثته من سيوف(ن) بواتير=اللي فدت بارواحها عن وطنها
لايشغلك يادار خطوا معيثير=اللي حياته بالمهازل قرنها
إرقي سنود ولا تهزك الاعاصير=مامونة(ن) شر العفون وفتنها
في ظل شيخ(ن) يحكم الراي ويشير=فهد العرب لا قال كلمة وزنها
عاش الزعيم مسطر المجد تسطير=اللي يمينه بالمكارم دهنها
ومني لابو متعب سلام(ن) وتقدير=اللي خذا العليا بغالي ثمنها