[معلومات العضو محمد بن حمد الشكرة]

بسم الله الرحمن الرحيم أقدم لكم قصيدة للشاعر/عامر بن نوطان المري رحمه الله أنا ماهقيـت يسـوي الوقـت ماسـواه وخان الزمان وعـادة الوقـت خوانـي وياحي مـن هـذي ديـاره وذا مربـاه ذواري هبوب النود مـن فوقهـا بانـي أنا يوم شفـت البيـت متهـدم مبنـاه تذكرت زول كان فـي البيـت سكانـي انادي عليه وساقي العين جـاري مـاه وأنا عارف إني لـو تحريـت ماجانـي ظلمني الزمان اللي جبرني على فرقـاه صواديـف بقعـا شرهـا ماتعـدانـي صدوف الزمان وطول صبر لحقت أقصاه حدتني على مبـدا الطويلـة مسيانـي انا قد بغيت اوقف الرجـل عـن مبـداه ولكن شفـت المـوت مازيـد خلانـي الا جيت عد قـد نـزل مـاه وألاجـاه تسابق دموعي واظهرت خافي احزانـي أنا كيف بدله واطمع ان خاطري ينسـاه وأنـا كـل مامريـت مدهالـه ابكانـي إلا جات بـه الاخبـار وإلاحـد طـراه ماعاد اتسمع صوت من زيـد حكانـي أعيش بخيالـه واتنـادم مـع ذكـراه ويدوي بي الهاجوس في عالـم ثانـي يغيم سمـاي إلا تواجهـت أنـا ويـاه وحتى الحكي ماعاد ينطق بـه لسانـي قضى العمر كله عادني في رجا لا مـاه وطال الرجاء واليـاس قـام يتحدانـي هو اللي تتوق النفس لمشاهدة وحكـاه ولاجا بقلبـي عنـه سجـه ونسيانـي م/ن