جيتك أمل مطعون في خنجر اليأس
والا أنت للمشتاق مافيه همه ؟
كأني طفل محروم من رحمة الناس
ماني بقايا أنسان مـهــدور دمـه
لا لا حـشى ماعــود لك خاضع الراس
ماني من اللي كل شيٍء يهمه
قلبي معك بـسـم الغلا صادق أحساس
وأخلاص ماظنيت قلبك يضمه
يامــعــذبٍ غاليك في قوة الباس
ماغيرك أوقد بي لواهيب همه
حبـي وصدقـي لو تقيسه بمقياس
تدري بأنك عايش أبدون ذمـــه
كنت أحسب أن الصدق مبني على ساس
ومـــردداً مابين خاله وعمه
ولو للهوى ياهاجري .. روح وأنفاس
ماضاقت أنفاسي اليا رحت يمه
ماتدري أن الـمـوت هـو موت الاحساس
والمشآعر موقف والرجل هـمه
وأن قلت لي ماخان بكليب جساس
أقول شوف ( الزير ) جاب المطمه
الله يــبـيــّحــك كثر ماهــب نـسـنـاس
ويسامحك كثر الطعون الملمه
وجيتك أمل مطعون في خنجر اليأس
يوم أنت ماعندك للاشواق همه