[معلومات العضو بنت الذيب]

عرفت أنا الشكوى إلى الله لا الناس=حر(ن) شكى للناس عبد ألمذله
من رام ما يحني لغير الله الرأس=يفعل ولو جاه ألردى في محله
حساس يا جرح الكرامات حساس= جرح الكرامة للرجل بألف عله
كأس الكرامة والكرامة لها كأس=لا عاد مكسور(ن) شكا الصدر غله
ما عاد يطفي غلة الصدر والبأس=كاس(ن) تنثر ماه والوغد ذله
عاري الكرامة لو تحلى بالألماس=عريان لو يلبس على الذل حله
والحر في عزه من العز لباس=ثوب(ن) جديد(ن) حاوي المجد كله
والملك دونه جند حراس وأفراس=وألآت حرب(ن) كالجبال المطلة
والحر حراسه من الخافق أحساس =نفس(ن) عزيزة ما تعرف ألمذله
من رام ما يحني لغير الله الرأس =يفعل ولو جاه الردى في محله

للشاعر سالم الزمر