محمد
ياسلام الله سلام فيه خير وفيه خيره
من هجوس تشري النخوه ولاتاخذ بدلها
ويش رايك والخبر منشور بصفاح الجزيره
وفتهم يامفتهم والناس تجزا من عملها
حزام
من هواجيسن لها عند العرب هيبه كبيره
مرحبا ترحيبتن من طيبها يقطر عسلها
يامسافر راقب الدنيا والاحداث الاخيره
كبرت الحمله وقام الهاجمل ماهوجملها
محمد
البقا لك والدعاوي في الرحاة المستديره
تطحن الحب المصفى لين يطلع من حثلها
ويش قالو في سمير اللي تغني له سميره
يترك العلم المنزل ويتعلم من جهلها
حزام
سوقها قي سوقها واحذر تبيح فالسريره
الديار ام الخطر من هاب منها مانزلها
دام مالك سيطره فيها يانطاح المغيره
وش تبا باللي يفك عقالها واللي عقلها
محمد
ياحزام السر في الارشيف والدنيا ستيره
ولامور مناقشه ولمحبله للي حبلها
الحياة مصارعه والوقت و دروبه عسيره
خطة مدري على الله عزها ولا فشلها
حزام
ادري انك فيك حرص وفيك دم وفيك غيره
وادري ان الذاهبه مرجاعها في بيت اهلها
لاتطولها تطول ولا تخليها قصيره
رد نفسك في رضاها قبل يقتلها زعلها