سلام الله قبل ماابدا قصيدي ونظم الابيات = على الزوار واعضاء المنتدى اللي ذايع صيته
سلام يشمل ارجال الوفاوالطيب والعادات =من اقصى القلب قدمته لكم فالنت خطيته
كتبته شعر في ابيات بدهن العود مختلطات =محبه والعذر فالنقص والتقصير بديته
وانا شاعر وفي الساحات لي مبدأ ولي وقفات = اعرف حدود غيري وان تعدا الحد رديته
ومن لايعرف حدود العرب لانظم الكلمات = هذا يبلش وشعره نقص والجزلات مخطيته
وشعر يجلب الاضرار للعربان واشكالات =هذا لابارك الله فيه مالي به ولديته
وعرف الشعر ياهل الشعر له لازم وله حزات = اذا حلت فتح بابه واذا ماجات سديته
والى نظمت قيفاني تنقيت اطيب الجزلات = وهزل الهرج كبيته وقاف الشعر شديته
احلل كل كلمه وازن بيوتي من الميلات =وحسب للعوارف ودري ان النقد مبديته
ومن لايحسب حسابه خصوصا منطقه بالذات =يواجه مشكله والنفس والشيطان مغويته
وترا الرجال من هرجه يعرفونه هل الطالات =مثل ماقال بن زيد الزلامي في شطر بيته
يقول ان نية الرجال تكشفها لك الحركات = كلام في محله من رجل معروف حبيته
بعد هذا الشعر صابه خلل في تالي الاوقات = وكل قال انا شاعر وشعره فيه تفويته
تدنى مستوى الاشعار والاسباب مختلفات =مجلات الشعر منها بعضها زاد تشتيته
ومنها ناس لامن صفصفت ياصحابنا هرجات = وصور قال انا اكبر شاعر والشعر سويته
ومنها من يحسبون الشعر كله غزل واهات = غرام في غرام وغيرها مهيب مهويته
ومنها ناس ماتنظم شعر ياكود بفليسات = مصالح كان غابت فالشعر مهيب مديته
غدا شعر النبط عند العرب سلعه من السلعات = على المكشوف حتى بيعها مهيب مخفيته
اجل يعقل بعض شعارنا حطوا شعر زفات = يقولون انقد اريالك وحدد وستلم بيته
وانا ماني وكيل آدم انا رجل ولي نظرات = ولي رائيي ضمن لرياء اشارك به بتوقيته
وعبر عن شعوري شعر ماحسبت للشهرات =ولاارجي من ورى شعري مصالح كان عديته
ياكم كم كم وكم من قاف سجلته على الصفحات = يعبر عن شعور صادق في الدرج حطيته
اذا جاله مجال وطلب منا فابرك الساعات =واذا ماله مجال ولاطلب فالدرج بقيته
وترا شعر النبط طب يعالج صاحب الونات = الى من نظمه طابت جروح فيه مشقيته
ومن لايعرفه مايدركه ويفكره ضحكات =ولو حطيت قاف الشعر في شخصه وحسيته
يهز الراس مايدري عن المقصود واللفات =قليل العرف مايدري ولو شلته وحطيته
هذا قافي وربعي في العلوم الطايله سادات =جميلات لهم تاريخ مهما قلت مااوفيته
بدون قصور فالعربان حاضرهم ولا من مات =وصلى الله على محمد وتم القاف ونهيته
وعليكم السلام ورحمة الله وبركاته
الشاعر الكبير ابو عبدالرحمن " عامر النتيفات "
ارررررحب ترحيبةٍ من باب نجران الى باب الشام
ارررررحب ترحيبةٍ تخضر بيابس الورق
ارررررحب بواحدٍ يكن لربعك كل محبه وتقدير
اررررحب ترحيبةٍ من الخليج الى المحيط
ارررررحب براعي الهدار واهل الهدار
ما شاء الله تبارك الله عسى الله يهنيك في عمرك وينساء في اجلك على طاعته
عامر النتيفات هذا الشاعر الذي اقراء عنه الكثير سواء في المنتدايات او احد
الكتب التي لدي وقد كان يجذبني بشعره الذي ينهال كالمطر على القلوب لكي
يغذيها بما ينفع من جزل الكلام الذي يقطر حكم ومواعض تغذي الروح وتشرح الخاطر.
والله انك صادق يابوعبدالرحمن الشاعر الي يصف الحكي بدون معاني او هدف يذكر
ويش الفايده من شعره سواء غزلي او مدح بعض الناس الي يقصر الشعر من دونهم.
ابوعبدالرحمن صح الله السانك وعتلا شانك وزادك الله من زوايد فضله
بدايه قويه قويه قويه وهذي الهقوه فيك ياعشير المناعير
ولا يفوتني أن اشكر الاخوين الغالين محمد الغريري و راشد النتيفات على دعوتك
لهذا الصرح الكريم بين اخوانك وبين عمك.
ابوعبدالرحمن تقبل تقديري واحترامي واعتزازي في شخصك النبيل
اخــــوك/ فهد الغريري