قصيدة الشاعر// تميم محمد الخضراني الدوسري
ارسلها لزميله / الشاعرهادي بن ضميد العماري حيث ان(هادي) تقاعد من العمل .. فتذكره الشاعر تميم بن محمد ،وقال هذه الابيات وارسلها للشاعر هادي بن ضميد وذلك لمواقفه الطيبه وخوته وعلومه الغانمه .. ويستاهل ما قيل فيه
انا ودي اسير على هادي بن ضميد =بسلم عليه وبا تطمن على احواله
بازوره ولكان ابمجيه على بعيد = على موتره باروح له واتعناله
وانا دالهٍ لين ذكر علي رشيد = مدح هادي والطيب والمدح يهيا له
وانا خابرٍ علومه الطيبات تزيد = عسى الله يكثر في عربنا من امثاله
صمودٍ ويابس راس وان جاء اللقاء عنيد = وعوق الخصيم ايلا تولاه بلحاله
وبهدي عليه ابيات شعرٍ من القصيد = عزيزٍ علينا وطيب الشعر يهداله
وصلي عدد ما هزت النود من جريد = على المصطفى اللي حطم الشرك وزاله
وسلامتكم
رد الشاعر //هادي بن ضميد ال عمار الدوسري
على الشاعر//تميم بن محمد الخضران الدوسري
يا مرحبا برساله النادر الصنديد = تميم عسى ربي يعافيه في حاله
يامرحبا مليون ترحيبه وتزيد = تراحيب عودٍ شايفٍ خيرة عياله
يابو محمد جعل عمرك يجي مديد = بجاه الكريم اللي رفعنا يديناله
علي يوم جات رسالتك مثل يوم العيد=حفيٍ بها ماهوب حي الله رساله
رفيقٍ نعده من هل الدين والتوحيد = وحقاً لنا لازارنا نكرم سباله
زميلٍ خويٍ خوته مالها نديد = يروم المعالي والمراجل من افعاله
نهارٍ يجيني فيه يومٍ على سعيد = علي الشحم والبن والطيب يعباله
ترى حقه المعروف والشكر والتأييد =وترحيبةٍ من سمعها ينشرح باله