بعد هذا الشعر صابه خلل في تالـي الاوقـات=وكل قال انا شاعـر وشعـره فيـه تفويتـه
تدنى مستوى الاشعار والاسبـاب مختلفـات=مجلات الشعـر منهـا بعضهـا زاد تشتيتـه
ومنها ناس لامن صفصفت ياصحابنا هرجات=وصور قال انا اكبر شاعر والشعـر سويتـه
ومنها من يحسبون الشعر كله غزل واهـات=غرام في غـرام وغيرهـا مهيـب مهويتـه
ومنها ناس ماتنظم شعـر ياكـود بفليسـات=مصالح كان غابـت فالشعـر مهيـب مديتـه
غدا شعر النبط عند العرب سلعه من السلعات=على المكشوف حتى بيعهـا مهيـب مخفيتـه
اجل يعقل بعض شعارنا حطوا شعـر زفـات=يقولون انقد اريالـك وحـدد وستلـم بيتـه
وانا ماني وكيل آدم انا رجـل ولـي نظـرات=ولي رائيي ضمن لرياء اشارك بـه بتوقيتـه
وعبر عن شعوري شعر ماحسبت للشهـرات=ولاارجي من ورى شعري مصالح كان عديته
ياكم كم كم وكم من قاف سجلته على الصفحات=يعبر عن شعور صادق فـي الـدرج حطيتـه
اذا جاله مجال وطلب منـا فابـرك الساعـات=واذا مالـه مجـال ولاطلـب فالـدرج بقيتـه
وترا شعر النبط طب يعالج صاحـب الونـات=الى من نظمه طابـت جـروح فيـه مشقيتـه
ومن لايعرفـه مايدركـه ويفكـره ضحكـات=ولو حطيت قاف الشعر في شخصه وحسيتـه
يهز الراس مايدري عن المقصـود واللفـات=قليل العرف مايـدري ولـو شلتـه وحطيتـه
هذا قافي وربعي في العلوم الطايلـه سـادات=جميلات لهم تاريـخ مهمـا قلـت مااوفيتـه
بدون قصور فالعربان حاضرهم ولا من مـات=وصلى الله على محمد وتـم القـاف ونهيتـه
ماشاء الله تبارك الله
الشاعر الكبير عامر النتيفات
أولاً يامرحبا تراحيب السيل
المنتدى وأهله يتشرفون بقدومك وبتسجيلك معنا مزداد شرفاً وفخراً
فأنت مكسب حقيقي لكل محبين الشعر والحريصين عليه
ووجودك وأمثالك سيرفع من أسهم منتدانا بحول الله وقوته
فبارك الله في قلمك وفكرك وصح لسانك ملايييييييييييييين
وقصيدة في محلها ونقدك صريح وكلامك جميل وأنت وافي ياابن الوافين
عاطر التحايا القلبية لمقامك العالي