اقتباس:
|
المشاركة الأصلية كتبت بواسطة عامر النتيفات
القصيدة لاتحتاج للمقدمه
ساترككم مع ابياتها وهي تعبر عن نفسها
.
تقبلوها مع الود والتقدير وعذرونا على القصور
.
.
يابرق الجنوب الحال كيفه فداك اللاش = عساكم بخير ودايم الدوم متعافي
بعد طالت الغيبة وصار القصيد ارشاش = نبي الشعر يرجع يروي الناس يالوافي
نبي وقتنا اللي راح يوم الشعر بالكاش = نعيدة هنا في منتدى العز ويشافي
نقدر ظروف الوقت والشخص مهما عاش = ظروفه معه والوقت مادام له صافي
وندرك هجوس الشعر له فترة ينحاش = وفترات ياكثره ويجبرك للقافي
وانا اشتقت له وعروق قلبي عليه اعطاش = ذكرت الليالي ذيك وقلوب انظافي
لنا وانت جزلات تشرف مهيب افلاش = قصيد ينومس من نظر فيه ماعافي
بدعناه بديار هواها يصير انعاش = يشافي عليل القلب والوقت له جافي
قصيد يخص الدين والدار وايضا حاش = على النصح والتوجيه ومزوح(ن)خفافي
قصيد عدوده راهيه ماتصير اقطاش = بساتينها خضر والاوراق ورافي
بعد ماطرلي حن قلبي وهاض الجاش = ووجهت لك قافي ولا تجهل اهدافي
غلاكم حداني والوضع صار فيه انقاش = بعد ماانتهى سطرت قافي والاوصافي
لون الشعر يابو فهد صار جله طاش = ولا في الايادي حيلة غير ياكافي
وشعر الحداثه زاد ورد وعطر وغراش = مرايه وكراسه مع ازهار تنظافي
لكن العوارف تفرق القصر والاعشاش = وطعم العسل ماهوب كالسم الازعافي
هذا وسلم وسلم وكرر فداك اللاش = وتم الجواب وياعسى قولنا وافي
|
الشاعر الكبير : عامر النتيفات
أرررررررحب ياأبو عبدالرحمن
الحقيقه الوصف يقصر دون هذه الشامخه
وإن كنت لاأستغرب منك هذه الدرة فأنت بحر وعلم من أعلام الشعر في القبيلة
أبو عبدالرحمن أنت شاعر لست بحاجة للمدح ولا للتطبيل فأنت فوق كل إعتبار
قرأت الشعر الأصيل الذي يروي الظمأ ويطرب المسامع
وياحي والله ذا النوع من ذا الشعر الذي إفتقدناه من أغلب الشعار إلأ مارحم ربي
تبقى المنهل الشعري الكبير بشعرك الأصيل ومعانيه الساميه
وعزالله العزيز إنك إخترت من تسند عليه فشاعرنا الكبير برق الجنوب
نعتبره من أعلام القبيلة التي نفخر ويفخربها أبناء القبيلة كافة
فصح الله لسانك مليون × مليون ولايكفون
ونحن في إنتظار شاعرنا أبو فهد ورده اللذي سوف يكون في مستوى التطلعات والأمال
دمتم لنا ولمنتدانا بشموخكم العالي وشعركم الراقي
محبكم ومحب الجميع ومتابعكم وواحدٍ من جمهوركم الكبير
أخوكم : دغش بن بطي الغياثات