وعليكم السلام ورحمة الله وبركاته
ارحـــــــــــــــــــب يمال الجنه اخوي ( عبدالله من ال بريك ) بلعكس والله انك انت من اهم الاعضاء
في المنتدى بصراحه . . . ومشاركاتك كل موضوع احلى من الثاني . . .
نرجع لموضوعك الواسطه ولا ( ( الوااااو ) ) اللي قطع ارزاق ناس اعوذ بالله . . .
والله لو اتكلم من اليوم من الى بكرة مااخلص من سالفه الواسطه . . .
انا ابي اذكر سالفه واحد ذكره لنا وانا ياخوان من اكثر الناس اللي متعقد من شي اسمه واسطه
يقول الرجال في واحد تخرك من الثانويه في نسبه 96% قسم علمي ( طبيعي ) المهم الرجال
قدم على اكثر الكليات والجامعات الرجال انقبل فيهم كلهم لكن هوه يبغى احد الكليات العسكريه
قدم وقبلوه في الكليه بعد القبول بدات الدراسه ورجال في الكليه بدات الاربعين يوم حقت الكليه
يقول الرجال اخذونا للميدان في باص يقول قبل لانمشي وقفنا الضابط اللي معنا وقال لاتمشون
في عندنا غلط قال الظابط وين فلان بن فلان يقصد خوينا راعي 96% قال نعم قال لو سمحت
اتفضل معنا يقول قمت وانا خايف قلت الوالده ولا الوالد فيهم شي المهم يقول رحت مع الضابظ
قالي صراحه بعد مراجعه البيانات اتضح لنا انك غير لائـق عسكري , قلت يعني وش السواه قال
يعني نتأسف ونقول لك اسفين رح دور لك كليه ولا اي شي . . .
يقول توكلت على الله ورحت المهم , وبعد فتره قابلت احد الاخوان اللي كانت معهم في الكليه
العسكريه و سلمت عليه وقالي وش سالفتك انت قلت والله كذا وكذا . . .
قالي تردي وش السالفه قلت وشو قال بعد مامشيت جاء واحد بعدك ونسبته والله 70% داخل
بواسطه وانت اللي من بد الاخوان بدون واسطه وطلعوك انت من بدنا . . .
مااقول غير لاحول ولاقوة الابالله . . . لاهنت وجعلك تسلم اخوي ابو عابد . . .
وانا اسف على الاطاله . . .