يامرحبا باسم القبيله عد همال الغمام
واعداد دورات السنه وشهورها وليالها
يامرحبا يابن الملوك اهل السياده والمقام
يانسل حكام العرب وملوكها وابطالها
سلطان يابن سعود ياراعي المواقف في الزحام
تشهد لك ابناء الجزيره شيبها وعيالها
وقفت وقفت عز يابن سعود لاصحاب الجهام
وطقيت صدرك للمزاين قايلن انا لها
وقفت للبل يوم جاها من الوزارات اتهام
ورفعت سوق الزين ياسلطان ياحلالها
ماهي غريبه وانت يابن سعود للعايل كعام
وانتوا ملاذ للدول من شر يسوالها
وبرجع لبن قينان راع الطيب والليث الهمام
اللي خذا له في العلوم الطيبات جزالها
يامحمد بن لاحم ذرى المضيوم في اليوم العسام
ياستر عذرا لوحت بغطيها وشيالها
وقفت لك كم وقفت تحسب ولا فيها كلام
شليتها يوم ان غيرك عاجز ماشالها
الاوله يوم ان سيف الحكم قصاص العظام
صدر ولكن شرط ابو المقتول كثر اموالها
ثم صاح ابو القاتل ويزهم يامقابيس الظلام
ياعزوتي يالاد زايد والتغالب قالها
وقفت له يا اميرنا وقفت شجاع مايضام
. ولاد العميري تسندك بموالها واحوالها
والثانيه لسحيم يومه طال به تعب وسقام
يبغي زراعه للكلى وسحيم مايقوى لها
زهمت يالاد العميري ياموردة الحيام
يامزبن المضهود لامنه جلى ثم جالها
ابشر بنا يا اميرنا لاجات حزات الزحام
نارد على شانك حياض الموت مانهتالها
حنا لها لامن بدى اللازم نشد لها الحزام
مانتقي يوم الردي للمرجله ماطالها
وفعلك يابن لاحم خذا في المرجله راس السنام
يوم ان غيرك للصعيبه هين ما حتالها
وامارتك من عادها بالشلف والسيف الحسام
ماهي بشيخة وقتنا الحاضر بكثر اموالها
واختامها يامرحبا اعداد همال الغمام
يانسل حكام العرب وملوكها وابطالها
الشاعر/ناصر بن ناجي بن مدعث آل عمار