ياسلام الله بـرده كلهـا فـن وشطـاره=والسلام ابسنة الاسـلام والنيـه سليمـه
يابدوى اهل البداوه عاشو بركن الحضاره=لو حنين البدو فيهم مير عقب السيل ديمه
البقاء يالصاحب اللي فيه لاهل الطيب شاره=عد نسناس الهبايب ساع ذعذع من نسيمه
الحضاره ياعميلي صايره مثـل الخبـاره=ماعرفنا زينها من شينها نـارن ضريمـه
لا لفحك البرد ولا جاك لاهوب وحراره=ودك ابيت الشعر ولا تمردح فى قسيمه
بينى وبينك علوم ولع وطف الزقـاره=فالمحل الى عسى ربى على عزه يديمه
ليه صاحبنا تعجل واختلف حتـى مسـاره=واولن محسوب مالشعار ونعـده صتيمـه
ويش رايك نفضح المستور ونشب الشراره=والمدير اللي على الموقع يعجل بالعزيمـه
العلوم الطيبه ماهى مع الطيب خساره=والغشامه ماتدور كود فالروس الغشيمه
يوم عزيت السنافى ورتفع عندى وقاره=عودت بينى وبينه من بدايتها خصيمه
ياسفير بلادكم حطوك ريـس للسفـاره=والمحنك مثلكم معروف بعلومن حكيمـه
والمعاني غامضه والعلم في راس القراره=لو بغيناها تغشمـر لاتحسبهـا ضليم
بعد ماكسرت نجبرها وتمشى بالجبـاره=رحمة الله واسعه وقلوب اهل مكه رحيمه
انت شيخن كبر اللحيه ويسعى للامـاره=وارتكب فى ديرة الاسلام 500 جريمـه
لاتحسبك فزت بالجولات ياراعي الصقاره=باقين جوله ونص ومد يمناك الكريمه
ماتحايلنا على العالم خذيناها نعاره=والجريمه طبع ناسن مالها قدرن وشيمه
الله الله عليكم شعار من العيار الثقيل حسافه والله فاتتنا ذالمحاوره الجزله من شعار جزلين بيض الله وجيهكم( البدوي ..وعابر سبيل )فعلاً كل يوم يتضح ان المنتدى كسب شاعرين مهمين بالنسبه لقسم المحاوره سجلوا اعجابي بكم
اخوكم المسعري