واعدني اشوفه قبل يومين لكنه / شاف المنيّه ولاقاها وخلاني

[معلومات العضو ماجد المهنا]

السلام عليكم ورحمة الله وبركاتة


اخواني ,, في منتداي العزيز

غيبتنا الظروف عنكم ,, وطيبكم وقدركم ما يغيب

هذه قصيدة للروح استاذي واخوي وابن عمي ورفيقي

الشاعر /فهد بن عبدالله بن محمد آل مهنا .. الله يرحمه

وموتى المسلمين

يا عين دمعتس مهوب رخيص يوم انـهحـوّل علـى غترتـي مـن حـر ماجـانـي

ازريـــت لاكفـكـفـه وازريـــت لاكـنــهومـن ويـن مـا لقيـت وجـهـي تلقـانـي

صـار الحـزن فالحشـا شلفـا ومنسـنـهقــدت معالـيـق خـفّـاقـي وشـريـانـي

عـلـى الــذي فــارق ونــادر ولا مـنــهخــذاه مـنـا هــادم الـلـذات وابـكـانـي

كنت اغرف الشعر من بحر ومـن فنـهوالـيـوم مـالـي طـــراة ولا لقيـفـانـي

يـا كبـر فقـده عـلـي ويــا كـبـر ظـنـهفينـي وانـا مـن عقـب فرقـاه متدانـي

واعدنـي اشـوفـه قـبـل يومـيـن لكـنـهشـــاف المـنـيّـه ولاقــاهــا وخــلانــي

ابكيـه وابكـي علـى فرقـاه حيـث انــهماهـو ولـد عمـي .. الا ثـامـن اخـوانـي

لـوانـي مــن الـتـراب الطـاهـر احـنــههيلوا من ترابه على صدري على شاني

لـعـل تـبـرى الـجـروح وتـبــرد الـونــهويطيـب جوفـي وتطفـي منـه نيـرانـي

النفـس مـن كـثـرة الصـكـات ممتـنـهولا عاد يفرق معي ضحكـي وحرمانـي

للعـمـر ذكــرى لـهـا فصـدورنـا حـنــهوللـوقـت وجــهٍ شـحـوبٍ كـنـه إيـانـي

آمـنـت بـالأقـدار والـلـي كـتـب لانـــهماصابـنـي لــو كرهـتـه مـــا تـعـدانـي

الـمـوت تــالِ الحـيـاة وللـزمـن سـنـهولـو طالـت الايــام مصـيـر الانسـانـي

لـكـن طـاريـه لا عــرّض عـلـي كـنــهيكـز دمـعـي علـيـه ويضـعـف إيمـانـي

واستغفـر اللـي لـه الافـضـال والمـنـهوألوذ به مـن شـرر نفسـي وشيطانـي

بـمـوت قـبـل آتحـلـوى سجـتـي عـنــهوانـا ادري انـي ولـد فانـي واخـو فانـي

الـلـي بقـولـه عـسـى مـثـواه للـجـنـهوالله يجـبـر عـــزا ربـعــي وشيـبـانـي

.

ماجد المهنا

 

 

 

 

[معلومات العضو ابن شمسان البدراني]

ابن العم العزيز : ماجد المهنا

مبدع كعادتك دائما .. قصيدة تحمل الكثير من الحزن ..

والله يغفر للشاعر فهد ويجمعنا به في الفردوس الأعلى من الجنة ..

لك مني أرق التحايا ،،،

 

 

 

 

[معلومات العضو بدر بن صقر العجالين]

أخوي الغالي وابن عمي

الشاعر المبدع

( ماجد المهنا )

رحم الله الشاعر ( فهد المهنا ) وعسى جنان الخلد مثواه وأسأل الله أن يتجاوز عنه ويغفر له ..

صح الله لسانك وانت مبدع كعادتك يا ماجد وانا مبطي من معجبينك..

بيض الله وجهك وعساك على القوه..

وتقبل تحياتي،،

 

 

 

 

[معلومات العضو العماني]

الشاعر القدير وابن العم العزيز بوعبدالله

صح الله لسانك يابوعبدالله ، والله يرحم الشاعر فهد بن عبدالله بن محمد آل مهنا ويسكنه فسيح جناته ، ويلهم اهله وذويه الصبر والسلوان

 

 

 

 

[معلومات العضو كلاش]

اللـي بقولـه عسـى مثـواه للجنـه &&& والله يجبـر عـزا ربعـي وشيبانـي

آمين الله يرحمه برحمته ويتغمد روحه الجنه ويلهمكم الصبر والسلوان عقبه

الشاعر الرائع ماجد بن مهنا

غيبة مثلك محسوبه ثوانيها ودقايقها قبل ساعاتها وايامها

لاتغايبنا الله يحييك ترى ربعك لهم حقٍ عليك

 

 

 

 

[معلومات العضو ابو فهد الغييثي]

صح الله لسانك يابوعبدالله ،

والله يرحم الشاعر فهد بن عبدالله آل مهنا

ويسكنه فسيح جناته ، ويلهم اهله وذويه الصبر والسلوان

تحياااااااااااااااااااااااااتي

 

 

 

 

[معلومات العضو عـنـود الصيد **]

صـــــــح لـسـانــــــكــ

،، اخــــــــــوي مـاجــد عـالابـيـات الرائــعـه

تقبل خـالـص ودي واحـتـرامـي ،، ،،

عـنـود الصيد **

 

 

 

 

[معلومات العضو سالم بن صمهود]

اللـي بقولـه عسـى مثـواه للجنـه=والله يجبـر عـزا ربعـي وشيبانـي

الشاعر المبدع دايماً ماجدالمهنا ما اقول الااحسن الله عزاكم ورحم الله ميتكم

وذا حال الدنيا يابومهنا ماهي مخليه احد الدور على الحي الان

 

 

 

 

[معلومات العضو ابو عبدالله الثاقبي]

اخي وعزيزي ابو عبدالله وعليكم السلام ورحمة الله وبركاته

وعظم الله اجرك والله يحسن عزاكم والله يسكن الشاعر /فهد بن عبدالله بن محمد آل مهنا في جنانه والله يغفر له والله يحشره مع الشهداء والصالحين

اخوك ومحبك ابو عبدالله الشكري

 

 

 

 

[معلومات العضو شوق2]

الله يرحمه ويغفر له ويجعل مثواه روضه من رياض الجنه0
اخي الشاعر المبدع ابو عبدالله
اولاً: عظم الله اجرك والله يلهمك الصبر والسلوان0
ثانياً صح السانك مليار على هالابيات الي تنثر الدمعه غصبً مهوب طيب

0يا كبر فقده علي ويـا كبـر ظنـهفيني وانا من عقب فرقاه متداني

بعض الفرقا تموت ولا خفت حرتها من قلبك0
مروري على متصفحك شرف لي 0
تقبل تحيتي وتقديري0

 

 

 

 

[معلومات العضو راشد المسعري]

يا عين دمعتس مهوب رخيص يوم انه=حوّل على غترتي مـن حـر ماجانـي
ازريـت لاكفكفـه وازريـت لاكنـه=ومن وين مـا لقيـت وجهـي تلقانـي
صار الحزن فالحشـا شلفـا ومنسنـه=قـدت معاليـق خفّاقـي وشريـانـي

الحاضر الغائب ، شاعرنا القدير ماجد المهنا

اولا ارحب فيك بعد غيبتك الطويلة وانت دايم على بال اخوانك وجماعتك مهما غبت.

ثانيا: رحم الله فقيدكم وأسكنه فسيح جناته وجمعكم به في مستقر رحمته .

ثالثا: صح لسانك ثم صح لسانك ثم صح لسانك ، قصيدة جزلة يابوعبدالله ولا تجي إلا من شاعر بحجمك ، فصح لسانك مرة اخرى ولا عاد تبطي علينا بالحضور يالقرم ،،،
تقبل ودي وتقديري ،،،،

 

 

 

 

[معلومات العضو محمد الولامين]

الله يرحم فهد بن عبدالله بن محمد آل مهنا

ويسكنه فسيح جناته

صح لسانك يا ماجد وبيض الله وجهك على ماقدمت

 

 

 

 

[معلومات العضو فهد الغريري]

الشاعر العزيز والأخ الكريم ماجد بن عبدالله المهناء صح الله السانك وعتلا شانك على هذا الابداع والله يعظم اجركم على مصابكم واسأل الله ان يرحم الشاعر:فهد بن عبدالله بن محمد آل مهنا ويسكنه فسيح جناته ابوعبدالله مني لك التحية والتقدير

 

 

 

 

[معلومات العضو عايشه]

النفس مـن كثـرة الصكـات ممتنـه
ولا عاد يفرق معي ضحكي وحرماني
للعمر ذكـرى لهـا فصدورنـا حنـه
وللوقت وجـهٍ شحـوبٍ كنـه إيانـي


صح لسانك على القصيده


وعظم الله اجرك

وعسى الله انيرحمه في واسع جنته

 

 

 

 

[معلومات العضو ابو زيد الغييثي]

الله يرحم الشاعر فهد بن عبدالله بن محمد آل مهنا ويسكنه فسيح جناته

ويلهم اهله وذويه الصبر والسلوان


الشاعر / ماجد بن مهنا

لا اجيد التعبير في هذا الرد لاحساسي بشعورك

اتجاه شخص غااااالي ولهذا صح اللسانك واحسن الله عزاك

ابو زيد