ياالربع من يسأل الخالديه

[معلومات العضو السنعوسي]

احداث هذه القصة وقعت بعد معركة بقعاء المشهوره بمدة قصيره

" هذا قيل : ان اسلمية ركّادة بعنيزه ورحلت بالربيع اثاريه نزلت بحمى ابن سليم,طلع عليه ابن سليم وقال: هه وش اللي جايبكم للحمى!!؟؟ قالت : يابعدحيي مادرينا انه حمى ولامعنى شين هالجملين وخمس معزى!! ومعه وليد له جذيع. ودلى بهالشوحط يضرب الوليد... وهي تقعد تطلبه ياخيي ادخل على الله لاتضرب هالوغد ياخيي...... مارد عليه ,,,غبنة المسكينه وقالت :
ياعبيد اودز!!! قال : بعد تنخى عبيد !! من به عرق *** نبح ؟؟..
راح العلم وجاء عبيد وهو يوم دري,,, قال : انا اخو نوره!! وهالحين مازعل عليه وذبحه الا يوم قالت ياعبيد اودز ؟؟!! يالله يا شمر والله الا يوم النحر!!؟؟
و يوم جا ليلة العيد وهو يكمن لهم..وهم يوم انهم تعيدوا سرحوا ادباشهم.. ويرسل عبيد الجيش(عددهن 30 ذلول ) قال : خوذوا الدبش من شان لياشافوهم اهل جيش كل الديرة تفزع مايبقى احد واللي بي يفزع ماهو على مطية خلوه يفزع ,, راح الفزاع,, هاه وشي اللي جتكم؟ قالوا : جيش . كم هم؟ قالوا : قيمة ثلاثين ذلول..وهي تفزع الديرة كله,, واكمن ياعبيد ليا ما شاف الحريم طلعن من برا الديره يراعن لمهف رجالهن!!؟؟
قال عبيد: يالله اقطعوا ثنوهم وتروا اليوم مافيه منع..وهم يعثون بهم شمر؟؟ وهو يخز عبيد هكالخيال المجوع وهو يلحقه,,التفت راع الفرس ليا هذا عبيد!!! قال : لا ياشيخ ياعبيد لاتذبحن.. قال: ماهو انت ابن سليم ؟ قال لاوالله انا ابو بطين!! قال: وين ابن سليم ؟ قال: راع هكالشقرا وغتره عليه(هذااااك هو) وهو يهرمسه عليه,,وابن سليم يسدحه للقصر يبي الديره هجيج؟؟ ولا يلحقه الا عند دروازة القصر(دروازة : كلمة فارسيه) وهو يضربه بصرخة ليا طاوي رسنه واذبحه وهات فرسه!!؟؟
والخالدية اللي في القصيدة هي زوجة ابن سليم
يقول عبيد العلي الرشيد :-
ياالربع من يسأل الخالديه
وشلون نومه يوم خلي المكاني
ذبحت جوزه فوق بنت العبيه
عامين ما شمه عريب الحصاني
كله لعيني صيحت الاسلميه
أرويت صرخة من عريض الاذاني
وش اللي يحلل دمهم بالضحية
وش اللي يحلل دمنا برمضاني

تقبلو تحياتي

 

 

 

 

[معلومات العضو نايف الخييلي]

كفوا والله بالسناعيس

لهم صفحه في التاريخ يشهد لهم القاصي قبل الداني

ياالربع من يسأل الخالديه=وشلون نومه يوم خلي المكاني
ذبحت جوزه فوق بنت العبيه=عامين ما شمه عريب الحصاني
كله لعيني صيحت الاسلميه=أرويت صرخة من عريض الاذاني
وش اللي يحلل دمهم بالضحية= وش اللي يحلل دمنا برمضاني

 

 

 

 

[معلومات العضو ابو زيد الغييثي]

وش اللي يحلل دمهـم بالضحيـة=وش اللي يحلل دمنـا برمضانـي

كفوووووووو كفووو وبدون قصور بعنيزه واهلها

 

 

 

 

[معلومات العضو فيصل بن جزاء]

كفو بشمر ولاهنت يالسنعوسي على السالفه والقصيده