ماني قدها

**معلومات** **العضو** · 24-05-2007, 08:59 PM

اخواني الأعضاء
السلام عليكم ورحمة الله وبركاته ويسعدني أن انشر هذه القصيدة
المتواضعة وهي آخر ما كتبت في منتداكم وأتمنى أن تحوز على رضاكم وإعجابكم
لكم القصيدة ولي الشرف

هـددتـنــي بـالـفــراق وهـددتـنــي بـالــصــدودقلـت لاتنويـن حـاجـة وأنـتـي مــا أنـتـي قـدهـا

كنـت أمـزح فـي كـلامـي ولا تعـديـت الـحـدودبــس هــي كـانـت تــدور مـــا يـبــرر صـدهــا

ناظرتـنـي بابتسـامـه ثــم ســارت فــي بــرودأثـرهــا بـنــت اللـذيـنـا نـاويــة مــــن جــدهــا

كـنـت أقـــول بتبـتـعـد ايـــام وتـحــن وتـعــودالأكـيــد إن الـولــه والـشــوق يـمــي شــدهــا

وذي ثـلاث شهـور مـرت أو بـعـد يمـكـن تــزودوكـل دقيقـة وكـل ساعـة فـي الغيـاب أعـدهـا

ليه راحـت ؟ ويـن راحـت ؟ أسئلـة تبغـى ردودكنـت حـايـر فــي الإجـابـة لـيـن جـانـي ردهــا

أرسلت مرسول عنوانـه "إلـى الخـل الجحـود "وصـرتـنـا مـشـكـك ولــكــن كـاتـبـتـه بـيـدهــا

وقالت أتركني فحالي وأنسى إنـي فـي الوجـودوأنهـمـر فــوق الرسـالـة دمـــع بـيــح سـدهــا

ليتـنـي معـهـا وأمـسّـح دمــع سـايـل بالـخـدودلأنـــي مـتـعـود أمـسّــح كـــل دمـــع بـخـدهــا

لـكـن أكـثـر شـــي خـلانــي أفـكــر وبـشــرودويـش مجبرهـا علـى الصـده وش اللـي حدهـا؟

وأكتشفت إن السبب في اللي حصل بنتٍ حقودحـاولـت فـيـنـي ولـكــن كـــل يـــوم آصـدهــا

وبعـد ماملـت خـذت مـع نفسهـا حلـف وعهـودإنـهــا تـفـتـن مـابـيـن أثـنـيـن يـالـعـن جــدهــا

ويـش مـحـرق رزهــا ياجعلـهـا وســط اللـحـودويــــش دخـلـهــا مــــدام تــودنــي وأودهـــــا

هـي وبـس اللـي عجـز قدامهـا قلبـي الصـمـودهــي وبــس الـلـي خذتـنـي بجـزرهـا وبـمـدهـا

كم سهرت مـن الليالـي وكـل خلـق الله رقـودكــم تظـاهـرت بـفـرح وأنـــا مـوصــل حـدهــا

كم نزفت من الجروح وكـم بذلـت مـن الجهـودلجـلـهـا والـنـفـس لـرضـاهــا عــلــي آكــدهــا

رغـم شرهـاتـي عليـهـا يــوم تسـمـع للحـسـودإلا إنـــي مستـحـيـل آكــــون يــــوم بـضـدهــا

لأنــي واثــق مــن غـلاهـا وحبهـالـي والشـهـودنبـض قلـب ودمــع عـيـن وسـهـر لـيـلٍ هـدهـا

ولـو تمـر سنيـن بأنطرهـا عسـى وقتـي يـجـوددام مابـه سخـص غيـري قـد روى مــن عـدهـا

وإن لفتنـي بعـد غيبـة وذكـرت طـاري الصـدودقـلـت طلـبـه غـيـري المـوضـوع مـانـي قـدهـا

وسلامتكم
عبد الرحمن سعد الدوسري
حزين الحرف

**معلومات** **العضو** · 24-05-2007, 10:41 PM

الأخ الشاعر حزين الحرف

عساك ما تعرف الحزن في غالي..وعسي الله يوفقك علي هذه القصيده التي تعبر عن معناها.

تقبل تقدير وأحترام

أخوك أبو نواف الدوسري

**معلومات** **العضو** · 24-05-2007, 11:41 PM

حزين الحرف
صح لسانك
وبيض الله وجهك

**معلومات** **العضو** · 26-05-2007, 01:46 AM

صح لسان ياحزين الحرف .........

وبيض الله وجهك وجعلك ماتشوف الحزن دايماً ,,,,,,,

**معلومات** **العضو** · 26-05-2007, 05:31 PM

الله الله

الشاعر القدير ابو سعد

صح الله لسانك واعتلا شانك على هذه القصيدة الجزله والجميله ، ودايما معودنا على كل ماهو طيب وجزل

وااسمحلي على تنسيق القصيده

تقبل تحياتي،،

**معلومات** **العضو** · 26-05-2007, 07:05 PM

أخوي أبو نواف
يسعدني ويشرفني
أن تكون اول من يرد علي
ويطرز قصيدتي برده الجميل
لك الشكر الجزيل

**معلومات** **العضو** · 26-05-2007, 07:07 PM

صببي الملازيم
صح بدنك ولاهنت
لك ودي

**معلومات** **العضو** · 27-05-2007, 05:16 PM

اقتباس:

المشاركة الأصلية كتبت بواسطة حزين الحرف