اول قصيده انشا الله تعجبكم

[معلومات العضو الحمودي]

هذي اول قصيده لي اتمنى انها تعجبكم واي انتقاد عليها اتمنى ابلاغي من باب التحسين وهي قصتها اني كنت في معهد عسكري دوره لمدة سنتين ونص والمعهد هذا كل سنه تدخله دورتين المهم السنه الثانيه لي دخلت دوره فيها شخص من الجماعه من ال بريك كانت علاقتي معه عايديه رسميه المهم مع مرور الايام جات بيني وبينه قصص ومواقف وفزعات قليل من ربعك بياقف ذيك المواقف وكل منا يذل على الثاني لاينفصل من المعهد او يتمشكل مع احد ويتسبب عليه بفصل . المهم اخر ستة اشهر لي في المعهد مسكة نهائي او يسمونها قيادي او سيطره وهي اني اتحكم انا ودورتي طبعا بالطلبه الي تحتنا ونظمهم ونمشيهم على كيفنا .فيه مجموعه من دورتنا مايقدرون ولا يعرفون معنى الخوه(لحوج يعني)
استقعدو لرفيقي ذا بالجزائات وغيرها بدون مادري انا وبدون مايعلمني هو علشان ماتمشكل معهم المهم راحت الايام ودريت انهم مستقعدين له جيت اكلمهم مانفع فيهم لين تمشكلت انا وياهم لمدة شهر كامل وانا وياهم في مشاكل لين ارخو وابعدو عنه مع العلم ان فيه قبيله هناك من الجنوب بدون ذكر اسمها يبغظوني الى يومكم ذا الزبده انا طولت عليكم يوم بقى علي شهر واتخرج جالسين في جلسه انا وناس من اخوياي من دورتي ونسولف عن التخرج وين بنروح وش بنسوي وانا الصراحه فرحت وارتفعت المعنويه عندي لابعد الحدود شوي وتذكرت رفيقي ذا باقي له سنه ويتخرج وهبطت عندي المعنويه وبديت اكتب الابيات ذي وترا كلماتها من قلبي.

ابد   بسم   الله   المعبود   الي   به   عبدناهواصلي    واسلم    على     المبعوث     نبيه

خير  من  ارسله  الله  على  الامه  وعرفناهشرح    لنا    الدين    والسنة    منه    هديه

وبعد   البدايه   ابدا   بالقول   الي    سمعناهوتذاكره     القصيد     من     سنينا     هذيه

لاجا   في   خاطرك   شي   والقلب    تعناهفالقصيد  يشرح  مافي  القلوب   من   خليه

وما في قلبي على لساني وهذا الي  قصدناهيظهر    لكم    ماتشيله     نفسي     الزكيه

اذكروا   لي   يوما   نرقبه    كلنا    وطلبناهيوما    له    فرحتا    والقلوب    له     فديه

منوة    التخرج    نفدا    كل     من     تمناهيمحي   ياعرب   سنينا   قد    راحت    غثيه

والله   اني   فرحت    به    والقلب    يتغناهلاكن  كن   في   قلبي   صدى   علوم   بليه

حينط¸â‚¬رالي   شخصا   بالمحبه    اغليناهحرا   اشقر   ومن    نسل    عرباننا    شليه

عيد  ابن  علي  ياجعل  كل   العربان   تفداهوياجعل من  بالشرط¸â‚¬راه  تجيه  المنيه

وين تجيني الفرحة وهو في ذا  المعهد  يدراهعقب  ماكنت  انا  ويا   في   المعهد   سويه

كيف   اروح   واتركه   ومن   عقبي   يحماه(مع   ذيك   الوجيه   الي   بالملعنه    مبليه)

قالو    اترك    الله    له    ياسيف    بيتولاهقلت   والنعم   بالله    وارادتي    به    قويه

تبون    الصراحه    ماودي     عاد     بفرقاهولا    ودي    بعد    احدا    يلحق    به    اذيه

من    بغى    له    الاذى    برجلينا    وطيناهومن بغى له العز هو على الراسط¸â‚¬اقيه

انتم     ماتدرون     كثر     غلاته      يانفداهيوما    عن     يوم     تزيد     غلاته     شويه

بس   حكم   القدر   علينا    مانقدر    نقواهلو     القدر     بيدينا     ماعرفنا      الخطيه

واختمها  واقول  عسى  الله  يجمعنا   بدنياهفيط¸â‚¬اعته  ويجمعنا  في   الجنه   الهنيه

واعذرنا  ان  حصل  منا   تقصير   ماعمدناهلو  الكيف  كيفي  كان  كتبت   لك   مطويه

وســــــــــــــــــــــــلامــــتـــكـــم


والبيت الي بين قوسين (مع ذيك الوجيه الي بالملعنه مبليه)اقصد بها القبيله الي يبغضوني بعد ماتخرج بيستلمون نهائي او سيطره وبيستقعدون له بالعسكريه لكن الحمد لله الامور الحين ماشيه

	اخوكم/ســــيــــف بـــن فـــــهــــد ال بــــريــــك الــــــــــــــحـــــمــــودي

 

 

 

 

[معلومات العضو ذيب أمعط]

صح الله لسانك وعساك على القوة

ولا تحرمنا من مواضيعك يالغالي

وتقبل مروري

 

 

 

 

[معلومات العضو الحمودي]

شكرا على مرورك اخوي (ذيب امعط)
وتقبل تحياتي وتقديري
اخوك /الحمودي

 

 

 

 

[معلومات العضو ابن مطوع الودعاني]

صح ألسانك وكثر ربي من امثالك ولاهنت .

 

 

 

 

[معلومات العضو شيهانه على كف صقار]

 

 

 

 

[معلومات العضو شيهانه على كف صقار]

	لله درك ثم لله درك إي روعة ندت بقلمك ذات شعر جميل ان اصافح هذا الجمال المفعم بالإبداع يبقى الصدق أجمل ما يميّز الشاعر في نصوصه تنفذ وتصل بإحساسك لـ القلب ياسيدي قصيدة تشعل العيون دهشة ...وتملأ الذائقة جمالاً وروعه حروف أخذتنا الى الافق ...تحاكي قضية ...وتشكي مرارة مبدع كــ عادتك الله لا يضرك ألف صح الله لسانك واعتلى شانك ولا هان من جابك دمت بخير لا ينتهي اختــــــــــــــــكم/شيهانه على كف صقار

 

 

 

 

[معلومات العضو فيصل بن جزاء]

صح السانك واعتلا شانك يالبريكي وعلومكم كلها طيبه يالقرم

 

 

 

 

[معلومات العضو الحمودي]

الله لايهينكم يابن المطوع الودعاني واختي شيهانه على كف صقار واخوي ابو جزا على مروركم الكريم والتي والله الوحيد الشاهد انها رفعت من معنوياتي والله يوفق الجميع



اخوكم الحمودي

 

 

 

 

[معلومات العضو ولد ودعان]

لاهنت يالحمودي على ايرادك لنا لهالقصه والقصيده الي تخصك وبيض الله وجهك قصيده جزله

تقبل تحياتي

ولد ودعان

 

 

 

 

[معلومات العضو بوحمد الحمد]

ســــيــــف بـــن فـــــهــــد ال بــــريــــك الــــــــــــــحـــــمــــودي

صح السسانك مليون

ولاهنت على الكلمات الرائعه

والى الامام

والله يوفقك ياغالي

دمت بكل خير

لك سلامي وحترامي