قصيدة لاد العميري

[معلومات العضو سويلمي]

هذه قصيدة الاخ مبارك بن فيصل العمور الدوسري
موجهه الى الاخ ظافر بن عبدالله العمور الدوسري واخوانه .( وهم اخوان القتيل سعيد )



يالله ياجال الامور المهمه = يالواحد اللي خالقٍ كل مخلوق

أفرج لقلب يشتعل فيه همه = قلب من أحداث المقادير محروق

والعين تخطي نومها ثم تخمة = كن الهموم الجايره داخل الموق

عزي لمن مثلي وقع في ابن عمه = واصبح سجين ودونه الباب مغلوق

ما غير افرق هم قلبي والمه = من يوم مات سعيد والقلب محروق

وانا السبب من غير سب ومذمه = ذبحة صديقي مالها اسباب تعوق

غصب علي جات المصيبة مطمه = لا عامدً ذبحه ولانيب مطفوق

كنت أحسب الطلقات مهيب يمه = مير القدر يامر به الرب من فوق

واليوم حالي جاير الوقت سمه = بشكي على ظافر ومرضي ومرزوق

هم ربعي اللي في الظروف الملمه = فزعاتهم يبرد لها القلب ويروق

تكفون يا ربعي ترى الطيب قمه = قمة جبل وانتم على الطيب من فوق

رفيقكم يومي زمانه بكمه = أما الحقوا وألا فلا هوب ملحوق

يدخل على الله ثم عليكم بدمه = دخيلكم من ذبحته داخل السوق

أخلوا سبيله وأخذوا الاجر في أمه = أجر من الله وأخذوا الطاق مطبوق

تكفون يآل غنيم جدع الأعمه = عاداتكم والطيب سابق ومسبوق

لا تسمعون اللي حكى له بنمه = والحاسد اللي حاقد جعله العوق

والختم ياجال الامور المهمه = يالواحد الي خالق كل مخلوق

 

 

 

 

[معلومات العضو الزين]

تكفون يا ربعي ترى الطيب قمه = قمة جبل وانتم على الطيب من فوق
رفيقكم يومي زمانه بكمه = أما الحقوا وألا فلا هوب ملحوق
يدخل على الله ثم عليكم بدمه = دخيلكم من ذبحته داخل السوق
أخلوا سبيله وأخذوا الاجر في أمه = أجر من الله وأخذوا الطاق مطبوق

لاهنت علي نقل القصيدهـ المؤثرهـ

ومانقول الا اللــــــــه يردهـ لأهلــــــه سالم غانم ....وقريب ان شاء اللـــــهـ

 

 

 

 

[معلومات العضو محمد الولامين]

لاهنت يــ سويلمي على ماقدمت

والله يكون في عون الجميع

 

 

 

 

[معلومات العضو المطنوخه]

لاهنت يالسويلمي على طرح القصيده المؤثره..والله يرده لاهله سالما.

 

 

 

 

[معلومات العضو ابو فهد الغييثي]

يعطيك العافيه على الطرح الرائع

ولاهنت على كل حال

تحياااااااااااتي