أبيات فيصل بن جزاء ومجاراة هامه نجد مهم دخول الشعراء والنقاد

[معلومات العضو هامه طويق]

بسم الله الرحمن الرحيم

السلام عليكم ورحمة الله وبركاته
صباح / مساء الخير
أولاً : هذه الأبيات عباره عن مجاراه للشاعر اللطيف صاحب الأبيات العذبه الشاعر فيصل بن جزاء حيث أن أبياتي وعلى ما اعتقد أنها لم تدخل في مسابقة ( صدى نبض القصيد ) وأتمنى من أخواني الشعراء والنقاد تقييم أبياتي حيث أنني حديث في كتابة القصائد ويهمني نقدهم ونصحهم .
ثانياً : أشكر العضوه المتئلقه دائماً ( نجديه ) على طرح ماهو متميز وجديد وعلى تواجدها الدائم بالمنتدى .
ثالثاً : اليكم الأبيات واتمنا عدم المجامله في النقد .

أبيات الشاعر فيصل بن جزاء

(غزه) تصيح وتنتخي تطلب العون=فضيحةٍ ياكبرهـا مـن فضيحـه
مليار مسلم بالعـدد او يزيـدون=ماتت ظمايرهم و(غـزه) جريحـه
تكفون ياهل الدين تكفون تكفـون=الشعب جايـع والمنايـا تطيحـه
ارامـلٍ وايتـام يانـاس يبكـون=وين القلوب المؤمنه و الصريحـه

مجاراتي للأبيات

السالفة طالت ومـن دون فـي دون=واحس (باشْيَا) بس ما هي مريحـة
وان كان (غزّة) شعبها نصف مليون=ولاَ احْفروا للكلب (الازرق) ضريحه
فلا تنتظر فزعة (معمّر وشـارون)=والليل ماله غيـر صبـحٍ يزيحـه
(غزّة) وراها لغز مخفـي ومدفـون=ويا الله عسى ماهي بحاجة صحيحة
والمشكلة لا صار في (فتح) مزيون=و الشايب امسى ما تعـدّى مطيحـه
والورد والريحان في شهر كانـون=تناتفـوه اهـل الوجيـه (الكليحـة)
ابراج (غزة) فلّ والكرت مشحـون=لكنّ اظنّ المشكلة فـي (الشريحـة)
يا ليت عشاق (العرب) يستريحـون=ان كانهـم يبغـون منّـي نصيحـة

وتقبلوا فائق تقديري وتحياتي
هامة طويق

 

 

 

 

[معلومات العضو المطنوخه]

صح لسان الشاعرفيصل وصح لسانك ولاهنتو على الابيات الرائعه... وننتظرباقي مجارات الشعار..

 

 

 

 

[معلومات العضو محمد بن سرحان]

ابراج (غزة) فلّ والكرت مشحـون
لكنّ اظنّ المشكلة فـي (الشريحـة)
يا ليت عشاق (العرب) يستريحـون
ان كانهـم يبغـون منّـي نصيحـة


الغالي هااااااامة طويق



رايع رايع رايع


ماشاء الله عليكهذا وانت حديث في كتابة القصيدة


صح لسااااااانك ولسااااااااان ابن جزاء مبدعين بلا شك


تقديريالصادق لكم


محمدبن سرحاااااااااان

 

 

 

 

[معلومات العضو ولد ودعان]

بداية موفقه اخوي هامة طويق وانشاءالله نستمتع بقصاائدك عن قريب

تحياتي

اخوك
ولد ودعان

 

 

 

 

[معلومات العضو هامه طويق]

المشاركة الأصلية كتبت بواسطة المطنوخه

المطنوخه شكراً على المرور
والجاي أكثر أن شاء الله

 

 

 

 

[معلومات العضو سالم بن صمهود]

اسئل الله ان يعز الاسلام والمسلمين وان يعيد لكل مسلم الهيبة التي نزعة مدري انتزعت.

الشاعر الرايع هامة طويق صح الله لسانك ولسان الشاعر الجهبذ فيصل بن جزا

 

 

 

 

[معلومات العضو فيصل بن جزاء]

هامة طويق ابيات جزله ومعاني قويه ورائعه

صح لسانك ملايين

تقديري واحترامي

 

 

 

 

[معلومات العضو هامه طويق]

المشاركة الأصلية كتبت بواسطة محمد بن سرحان

ابراج (غزة) فلّ والكرت مشحـون
لكنّ اظنّ المشكلة فـي (الشريحـة)
يا ليت عشاق (العرب) يستريحـون
ان كانهـم يبغـون منّـي نصيحـة


الغالي هااااااامة طويق



رايع رايع رايع


ماشاء الله عليكهذا وانت حديث في كتابة القصيدة


صح لسااااااانك ولسااااااااان ابن جزاء مبدعين بلا شك


تقديريالصادق لكم


محمدبن سرحاااااااااان

أخي الغالي الشاعر محمد بن سرحان
شرفني مرورك وشهادتك افتخر فيها

ومرحبابك ومسهلا
تقبل تحياتي
هامه طويق

 

 

 

 

[معلومات العضو مستشعر]

هامة طوييييق

ابيات روعةوجزلة من جزل

وفيها على قولة لجنة المليون رمزية واضحو وغير واضحة

(غزّة) وراها لغز مخفـي ومدفـون
ويا الله عسى ماهي بحاجة صحيحـة

ماهو كان الاحسن تقول : عسى ماهوبحاجة صحيحة يرجع على اللغز ؟؟

والمشكلة لا صار في (فتح) مزيـون ؟؟؟؟؟؟؟؟؟؟
و الشايب امسى ما تعـدّى مطيحـه ؟؟؟؟؟؟؟؟؟؟


والورد والريحان في شهـر كانـون
تناتفـوه اهـل الوجيـه (الكليحـة)
ابراج (غزة) فلّ والكرت مشحـون
لكنّ اظنّ المشكلة فـي (الشريحـة) ؟؟؟؟؟؟؟؟

يا ليت عشاق (العرب) يستريحـون ؟؟؟؟؟؟؟؟؟
ان كانهـم يبغـون منّـي نصيحـة


اشكرك وقد طلبت منا النقد ابيات جزلة وروعة وفيها رمزية زايدة شووووي الا ان يكون المقصد القافية وبس وجزالة اللفظ العام وخدمة فكرتك العامة وهي المجاراة

مستشعر

استشعر ولا استشعر


وشكرا,,,,

 

 

 

 

[معلومات العضو هامه طويق]

المشاركة الأصلية كتبت بواسطة ولد ودعان

بداية موفقه اخوي هامة طويق وانشاءالله نستمتع بقصاائدك عن قريب

تحياتي

اخوك
ولد ودعان

اخوي ولد ودعان
شرفني مرورك وابشر ان شاء الله بالخير

تحياتي
اخوك ولد ودعان