لابتي تكسب المدن بسيوفها = يوم كسب البداوين حشون هميل

[معلومات العضو المهلب]

هذه قصة مشهورة للوداعين مع قحطان على وقت الأمير / الجبعة ابن خليف , وأسمه إبراهيم بن مانع بن فايز بن خليف بن معن بن لاحق بن ناصر ( المبيعيج ) بن ودعان ( الوداعين )بن سالم بن زايد الدواسر , حيث كان بين الجبعه رحمه الله وبين محمد بن هادي بن قرملة شيخ قحطان صحبة ومعرفه , وبحكم هذه الصداقه التي بينهما طلب من ابن قرمله ان يروح عليه ركايب كل زمان وقت حل الصرام من أجل أن يحملها بالتمر ويرسلها له كهدية منه له ,وكان الجبعه في كل زمان إذا جا وقت الصرام ( صرام النخل ) أرسل لإبن قرمله هذه الهدية , وفي إحدى المرات قاموا ناس من قحطان وقالوا لإبن قرمله :الله يطول عمرك يالأمير حتى الوداعين يرسلون لك التمر من هيبتك ومن هيبتنا , ويوم رد الكلام للجبعه وللوداعين قال : لاوالله ماهوب من هيبة مير معطين الرفقه والصحبة حقها ويومها عودت بالابة فأنا بالله ثم بلابتي صبيان الوداعين , ويوم جا الزمان المقبل وجاته الركايب فحملها تراب وروح معها هذه القصيدة :

يالله   اليوم   يامن   عليه    النجميابالأبراج   سمح    لنا    كل    قيل

طالبك     تغفر     ذنوبنا     والزلليوم  أحول   بقبر(ن)   ترابه   نثيل

لابتي   يابن   هادي   ترى    خرجهاالمصبب مع كل  سيف(ن)  صقيل

لابتي من أشطاب(ن) إلى المردمهلابني   رمح   يهمل   بهن    النزيل

لابتي   تكسب    المدن    بسيوفهايوم كسب البداوين حشو(ن) هميل

وديرتي     كم     ذبحنا      بجيلانهامن عقيد(ن) إلى  جالها  مستصيل

وديرتي     كم     عقرنا     بحدانهامن إحصان (ن)إلى جالها له صهيل

ولابتي     تسعة     ألآف      تفاقهاثم  ضاع  العدد  يوم   رز   الشليل

لابتي   ترثة   حميد    أبن    مدركوجدنا    عمر    الشجاع     الأصيل

لابتي  كالعسل  يوم  صفي   صفىوإن تكدر  فدا  وشارب  الدا  عليل

والقصيدة أطول من هذه, فهذا رد الجبعه رحمه الله يومها بالمعرفه والرفقه فعطيناها حقها من العلوم الطيبة ويومها عودت للحمايا فحنا هل الحمايا أول وتالي من غير أقصور في جميع القبايل .رحمهم الله جميعا وأسكنهم فسيح جناته .وتقبلو تحياتي لكم إعزائي القراء .

 

 

 

 

[معلومات العضو السيف دايـم]

كفـــو والله بصبيان الوداعين .. والله يرحم الجبعه ولاهنت يالمهلب على مواضيعك المميزه.. سجل اعجابي بشخصك

 

 

 

 

[معلومات العضو الزين]

لابتي كالعسل يوم صفـي  صفـىوإن تكدر فدا وشارب الـدا عليـل

لاهنت ياالمهلب وبيض الله وجهك علي النقل الطيب

 

 

 

 

[معلومات العضو ابوبادي المنداع]

جعل يمناك مايجيها العطب على النقل الاكثر من رائع وكفو بالوداعين اول وتالي لاهنت يالغالي

 

 

 

 

[معلومات العضو ابو فهد الغييثي]

كفـــو والله بصبيان الوداعين ..

والله يرحم الجبعه

ولاهنت يالمهلب على مواضيعك المميزه..

تحياااااااااتي

 

 

 

 

[معلومات العضو المطنوخه]

لاهنت المهلب على طرحك الاكثرمن رائع...

 

 

 

 

[معلومات العضو زبون المقاصير]

كفـــو والله بصبيان الوداعين ..

والله يرحم الجبعه

ولاهنت يالمهلب على مواضيعك المميزه..

 

 

 

 

[معلومات العضو المهلب]

المشاركة الأصلية كتبت بواسطة السيف دايـم

الاخ العزيز / السيف دايم ,,,,,,,أسعدني مرورك السامي وتعليقك الوافي وماعليك زود يالغالي وأشكرك على مشاعرك الطبية والمتبادلة .ولك كل المحبه والتقدير .

 

 

 

 

[معلومات العضو ابن محمد الودعاني]

كفو والله بلاد الخليفي

وعلومهم ترفع الراس دون قصور في باقي القبائل

وبيض الله وجهك يالمهلب على ايرداك المميز

وفقك الله

 

 

 

 

[معلومات العضو نجد القلب]

لابتـي تكسـب المـدن بسيوفهـا يوم كسب البداوين حشو(ن) هميل

 

 

 

 

[معلومات العضو نايف الخييلي]

المهلب الودعاني ,, أشكرك ياخوي الكريم على هذه السالفه الشهيره , واللى أعرفه

ان ابن هادي كان بين وبين الجبعه صداقه ومعرفه وكان يرسل له الجبعه حمايل من

التمر ويهدي ابن هادي للجبعه مقابلها منايح من البل وحشواان وبأحد السنين

قالواربع ابن هادي بالجليسه : ياطويل العمر حتى تمر الوادي يهدى عليك ,

قال : ( لولا رهطك لقتلناك ) يعني لولا ذا التمر اللى يُرسل لنا كل حول لغزيناهم

ويوم رد العلم للجبعه وجته الركايب حملها بالتبن - أعزكم الله - وقال ذي القصيده

اللى أوردتها انت ,, ووالله من كلمه قردت راعيها , وأشكرك يالمهلب على ذي السالفه

وونعــم بربعنا الوداعين هل الطولات والسوالف اللى تعد مفاخر ونوماس للدواسر جميع


أجزل التحايا

 

 

 

 

[معلومات العضو فرحان فهد ال فرحان]

الله يبيض وجهك ولا يخلينا منك

ولا يستغرب الابداع من الرجال امثالك

والوداعين امراء من طويلهم ومن حضر منهم يسد اللزوم

وليست غريبه عليهم افعال يعجز الكثير عن الاثيان بشي منها

ولا غرابه فهم اهل الثمان السوالف ومارث عز ولا قصور في باقي القبيله

 

 

 

 

[معلومات العضو المهلب]

المشاركة الأصلية كتبت بواسطة الزين

لاهنت ياالمهلب وبيض الله وجهك علي النقل الطيب

الأخت الكريمه / الزين ,,,,,,,,مشكورة والله لايهينك ويعطيك العافيه . ولك التقدير .

 

 

 

 

[معلومات العضو المهلب]

المشاركة الأصلية كتبت بواسطة ابوبادي المنداع

مرحبا والله ومسهلا بك أخوي العزيز طاهر السريرة/ أبو بادي المنداع,,,,,, وماعليكم زود وجعلك تدوم ويفدونك الرخوم وأسعدني مرورك المعهود وتعليقك المحمود,,,,,ولك كل التقدير والمحبه .

 

 

 

 

[معلومات العضو ساري الغدراء]

بيض الله وجهك وونعم بصبيان ودعان .