نصيح بأسم ((كلاش)) وننخا وندعيه !!!

**معلومات** **العضو** · 02-02-2009, 09:29 PM

بسم الله الرحمن الرحيم

تفاجات مثل غيري بأنسحاب ابن العم الغالي نايف البدراني (( كلاش )) من المنتدى

وحقيقه والله اني مدري لكن الله يوفقه طالما انه مشغول وما اقول الا عساه يرجع

لربعه سالم غانم وهذي ابيات تهيضت فيها يوم ذكرت رفقته لنا بالمنتدى الي كلها نوماس

ومواقفه معنا وفزعاته بالردود على الشعراء من خارج القبيله وهي تعبر عن مافي

الخاطر تجاه ابن عم عزيز وغالي وشاعر بحر تنومس مواقفه اقول فيها ..

القلب ضاق ولالقا من يواسيهمابين ربعي مير كني خلاوي

من عقب راح اللي نعزه ونغليهوتقطعت عنا حبال الرجاوي

جانا غريب وراح محدٍ عرف ليهوفي منتدانا صار نجمٍ سماوي

معه جمعنا الطيب فسمى معانيهوعز الله انه بالمراجل غناوي

حبه لربعه من مبادي مباديهوهومة تفاكيره بعيدة حراوي

واضح صريح وبيناتٍ مماشيهماهوب من يحسد وقلبه عماوي

ولايشوف بنفسه كبرٍ ولا تيهواثق مثل ضلعٍ عسير المهاوي

واذا ضمينا نرتوي عذب صافيهنارد ونصدر منه عدٍ رهاوي

وان جا اللزوم وخانت اللاش رجليهوضاعت علوم مكثرين العزاوي

نصيح بأسم ((كلاش)) وننخا وندعيهويجيك هاوي مثل حرٍ نداوي

واليوم راح وغيبنه لياليهما عاد ندري راح بأي النحاوي

ليته معلمني على وين أخاويهوألا معلمني على وين ناوي

خلاني مابين العتب والمشاريهكني مريضٍ معط¸â‚¬طبته المكاوي

ومع كلط¸â‚¬لعة شمس ياناس برجيهوأنا على رجعت رفيقي رجاوي

الشاعر : مسفر بن منيف المصارير

أبو ناااايف

**معلومات** **العضو** · 02-02-2009, 09:34 PM

اخوي الشاعر مسفر المصارير صح السانك يالقرم على الابيات الجزله وفي شخص عزيز علينا والذي احزنا بفراقه وترك فراغ بيننا وعزالله ان الصفات اللي ذكرتها جميعا تنطبق عليه ,,وقد وصلني خبر بان كلاش مشغول في دراسته فالخاارج نسال الله له التوفيق ويرجعه الينا سالم

صح السانك يامسفر ولاهنت

**معلومات** **العضو** · 02-02-2009, 09:36 PM

**معلومات** **العضو** · 02-02-2009, 09:56 PM

صح السانك على القصيده الجميله

والله يسهل على اخونا كلاش

تحيااااااااااااااااااتي

**معلومات** **العضو** · 02-02-2009, 11:41 PM

ليته معلمني علـى ويـن أخاويـهوألا معلمنـي علـى ويـن نـاوي

خلاني مابيـن العتـب والمشاريـهكنـي مريـضٍ معطبتـه المكـاوي

ومع كلط¸â‚¬لعة شمس ياناس برجيـهوأنا على رجعت رفيقـي رجـاوي

الله اكبر عليك صح لسانك ملياااااااار يابو نايف شاعر جزل ولا تحتاج الشهاده مني

والله احزنني كثيرا خروج الشاعر الكبير نايف البدراني

نقول ان شاء الله له رجعه

تقبل مروري المتواضع اخوك ابو زايد البدراني

**معلومات** **العضو** · 03-02-2009, 12:01 AM

صح السانك على القصيده الجميله

والله يسهل على اخونا كلاش

**معلومات** **العضو** · 03-02-2009, 12:04 AM

السلام عليكم

الله الله

ياسلام على مبدا الاخوه انت مثال حى للدوسرى فى طيبته ونخوته ومبادئه الحميده

كثيرين اللى سجلو معنا فى المنتديات وخرجو بهدوء ولكن ان يخرج عظو ويتمثل عظو اخر فى خروجه هذى جديده وبادره طيبه من شاعر لايشق له غبار

اشكرك يابو نايف على مشاعرك النبيله الى تجسد معنا المحبه والاخوه

صح الله السااانك مليووووووووون ولا يكفون يالقرم

ولاهنت على طرحك الجزل

اسال الله العلي القدير ان يرجع اخونا كلاش الى المنتدا ويسهل اموره ويوفقه فى حله وترحاله

تقبل اصدق معانى الود والاحترام

**معلومات** **العضو** · 03-02-2009, 03:58 AM

الله الله

كفووو كفووو يا أبوناايف هذا الخوي القرم اللي يفقد خويه

صح الله لسانك يالحبيبي وانت حبيبي فعلا يا أبونايف

بيض الله وجهك أبيات معبره ويستاهل الأخ ( نايف البدراني ) يستاهل نفقده..

أبونايف شاعر طيب وقلبك أبيض ويشهد الله اني احبك بالله

صح الله لساااااانك ملايين..

وتقبل تحياتي،،

**معلومات** **العضو** · 03-02-2009, 04:59 AM

ابو نايف جعل من لمني في حبك يبلى بالعمى

صح الله السانك واعتلى شانك يالشاعر الجزل والمحبوب

وبيض الله وجهك على هذه البادره الطيبه والنادره

اخوك ابو بدر

**معلومات** **العضو** · 03-02-2009, 02:23 PM

اقتباس:

نصيح بأسم ((كلاش)) وننخا وندعيه

الاخ والشاعر مسفرالمصاريرصح الله لسانك ولاهنت واسئل الله ان يرد كلاش سالم غانم

**معلومات** **العضو** · 03-02-2009, 02:31 PM

صح السانك على القصيده الجميله

والله يسهل على اخونا كلاش

تحيااااااااااااااااااتي

**معلومات** **العضو** · 03-02-2009, 11:00 PM

الشاعر : مسفر بن منيف المصارير

صح لسانك مليون عساك ماتهون وبيض الله وجهك على الابداع اللي قدمته

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية