من قصص فنجال السيف(الفارس)

[معلومات العضو عبدالله الحافر الغييثي]

فنجال الفارس وسبب التسميه:

فمن يطلب شخص ما بدم أو ثأر أو ماشابه ذلك ، فيقوم شيخ القبيلة أوكبير السن أو إمرأة ثكلى ، يجمعون شباب القبيلة وفريسها...وتصب القهوة في هذا الفنجال ويرفع عاليا على رؤوس الأشهاد وأمام الجميع ويقـال : هــذا فنجـال فـلان بن فـلان...^القاتل^..من يشربـه؟؟؟ ^^^^فنجال الفارس^^^^ أي من يأخذ حقنا أو ثأرنا أو دمنا منه؟....فيقوم أحد فرسان القبيلة ويقـول : أنا له ويأخذ الفنجـال ويشربـه....ويذهب في طلب هذاالقاتل ولايعـود إلى قبيلته إلا بعد إحضـار البينة على أنه انتقم لصاحب الفنجـال من الشخص المطلوب وإلا فله أحد خيارين : إما أن يجلي من قبيلته ولايعـود لها أبد لما لحقه من ذل وعار وصم بها جبينه. وإما أن يعود محملا بالخزي والعار ويصبح مدعاة لسخرية أفراد القبيلة ...صغيرها وكبيرها رجالا ونساءا ولايتزوج منها ولا يخرج للحرب مع فرسانها .

يا عَاملِينْ البنّ وَسْطَ التَرَامِيسْ=لا تَقْطَعُونِهْ من حَشَا مِرْضعَاتِهْ
رُدُّوه لأمَّات الخْشُوم المِقَابِيسْ=صُفْر الدلال اللي عَلِيهَا حَلاتِهْ
مَا عَاد شِفْنَا البن وَسْط المَحَامِيسْ=يَحْمِسْ وصَوْت النِّجْر طَوَّلْ سكَاتِهْ

هذه قصه من قصص فنجال الفريس المشهوره وياليت اللي عنده قصه تخص فنجال السيف يطرحها هنا: ذيب المهان من آل فطيح من الوعله من يام وكان الله يرحمه فارس مشهور وشجاع لا يهاب الموت وكريم له قصص ومعارك ووقعات كثيره ويحكي ذات مره انه ذهب الي احد ربعه واعزمه علي ( بر وسمن ) وفي وقت قصير حضر شخص اخر لا يجاري ذيب في شجاعته وفي كرمه وعزمه علي ( خروف ) وعندما حضر الغداء قالوا يا ذيب قم للذبيحه قال ذيب : انت قلت ( بر وسمن ) عطني غداي اللي وعدتني فيه وخل ضيفك ياكل من ( الشحم ) وعند الانتهاء من الاكل قام ذيب وعمل دلة قهوه واخذ الفناجيل معه وقال : اللي فيكم ذبح رجال في رجال علي حق ولا ذبحه علي غدر وخيانه او في شي يسود الوجه يجي يشرب قهوه وعلي فكره انا اعرفكم كلكم ومن كذب علي فيكم ومد ايده للفنجال يبي يشربه قطعت ايده ( بالجنبيه ) قام واحد من الضيوف وقال : انا ذبحت فلان ابن فلان في فلان ابن فلان قال ذيب: صدقت وقام رجل اخر وقال : انا ذبحت فلان ابن فلان في فلان ابن فلان قال ذيب : صدقت فسكت الجميع قال ذيب المهان : انا ذبحت فلان ابن فلان في فلان ابن فلان ويقولون انه شرب 13 فنجال وعندما انتهي من كلامه ومن القهوه قال ذيب لمعزبه : انا اللي استاهل ( الخروف ) ولا تذبحه للي ما يستاهل وقام ذيب ابن المهان غاضب لانهم لم ينزلوا الناس منازلهم كان بالاحري ان يقدم لهم جميعا ( بر وسمن ) لا ان يفرق بينهم ويذبح ( للجبان ) ويترك ( الشجاع )

 

 

 

 

[معلومات العضو محمد بن سالم الخضراني]

ابو مطر لله يعافيك . تشكر على ايراد قصة الفارس ذيب المهان


لاهنت يالنشمي

 

 

 

 

[معلومات العضو دغش محمد الصخابرة]

بيض الله وجهك ياابو مطر على القصه ,,,

وتسلم يمناك وعسى فالها الشحم,,,,


ولاهنت يالقرم.....

ودمتم بحفظ الرحمن...

 

 

 

 

[معلومات العضو خيالية]

يعطيك العااافيه على هالقصه

 

 

 

 

[معلومات العضو عبدالله الحافر الغييثي]

وهذه قصه لاحد فريس الدواسر في فناجيل القهوه وهو يعد فعوله بالفناجيل وهو الشاعر والفارس/ هجاج بن هجاج الخييلي وفي يوم من الأيام ضيف على واحد من العجمان وكان وقتها كبير في السن فقام المقهوي ومد له الفنجال وقاله [ خذ فنجال الشويهات يا عم ] وكان يقصد انه شيخ كبير ما منه فايده ، ولم يكن يعرف ان الرجل اللي امامه هو الفارس المشهور هجاج بن هجاج ... فخذا هجاج وشرب فنجال الشويهات فقاله .. صب فنجال ثاني .. ويوم صب الثاني قال هجاج هذا فنجال [ قحيفان عقيد قومه ] من ال سفران ذبحته في اليوم الفلاني في المكان الفلاني .. ويش تقول ؟؟ قال المقهوي : كفو قال صب فنجال ثالث .. ويوم صب له الثالث قال هجاج هذا فنجال [ السيلماني ] ذبحته في اليوم الفلاني في المكان الفلاني .. ويش تقول ؟؟ قال المقهوي : كفو قال صب فنجال رابع .. ويوم صب له الرابع قال هجاج هذا فنجال [ فلان ] ( ماعرف اسمه لكن من آل شامر ) ذبحته في اليوم الفلاني في المكان الفلاني .. ويش تقول ؟؟ قال المقهوي : كفوو المجلس كان مليان من العجمان فقاموا يبون يذبحونه في المجلس نظير ما قاله في رجال العجمان من فعل ،، فمنعهم صاحب المجلس اللي هو المقهوي وقال والله ماحد يقربه ما دامه في المجلس .. ويوم طلع من المجلس قال صاحب المجلس الحين اللي يبيه يلحقه ، .. وقد توفي الفارس وهو كبير في السن مابين الاعوام التالية 1315هـ إلى 1330هـ تقريباً رحمه الله وغفر له ورحم الله أموات المسلمين

 

 

 

 

[معلومات العضو نايف الخييلي]

الله يعافيك يابو مطر

على الموضوع الجميل الرائع اللى يحكي عادات طيبه راحت مع اهلها الله يعفو عنهم
ويسكنهم جناته , وجميل ان حنا نطلع على العادات القديمه اللى تحمل في معانيها
الوفاء والشجاعه وعزة النفس وعلوها ,, والحمد لله اليوم على نعمة الإسلام

موضوع عجبني حقيقةً وانت ماتجيب الا مايليق بأسمك

 

 

 

 

[معلومات العضو ابوعبدالله الخييلي]

بيض الله وجهك يابو مطر على الطرح المميز....

 

 

 

 

[معلومات العضو عبدالله الحافر الغييثي]

وبياض الوجه لكم جميع وشاكر ومقدر لكم مروركم وانتظر مشاركاتكم بما تعرفونه من قصص تخص هذا الموضوع خاصه للدواسر وعامه لبقية القبايل ولكم مني ارق تحية وتقدير

 

 

 

 

[معلومات العضو ابو زيد الغييثي]

لاهنت يا خميس الحافر على هذا الموضوع الطيب

ولقد شرب الفارس المعروف الجهيمي الرجباني فنجال محمد بن هندي

في احدى المعارك وتواجه الجهيمي وابن هندي واصاب الجهيمي

ابن هندي اصابه بليغه كادت تقتله ولكنه نجى وبعدها بفترة سقط بن هندي

من ذلوله بسبب الاصابه فمات من تلك السقطه واظنها تاثير ضربه الجهيمي رحمهم الله

وكذلك شرب احد فرسان آل بريك فنجال ابن شفلوت شيخ عبيدة القحاطين

ولكنه استطاع النجه والهرب من اما فريس آل بريك الصناديد

وكذلك طليفيح بن رشدان المصارير شرب فنجال ابن عبود القحطاني في

يوم الجفير وغيرهم الكثير من فريس الدواسر

 

 

 

 

[معلومات العضو يحيى الودعاني]

بيض الله وجهك

لاهنت

 

 

 

 

[معلومات العضو عبدالله الحافر الغييثي]

لاهنت يابوزيد وياليت لو تعرف القصص كامله الله لايهينك وتزويدنابها شاكر ومقدر لك