نايف بن مسرع.... ودسمان السبيعي

[معلومات العضو راشد المسعري]

إخواني أعضاء وزوار هذا المنتدى العملاق ، أضع بين أيديكم هاتين القصيدتين لكل من الشاعرين: دسمان بن مناحي السبيعي الذي مدح قبيلة الدواسر بمناسبة إقامة مزاين الإبل المجاهيم بعد أن قام الدواسر بوضع مزاين مرادف خاص بضيوفهم وخصصوا له الجوائز القيمة ، وهذه سابقة طيبة لم يسبق لأحد أن شرعها من القبائل الأخرى قبل قبيلة الدواسر. والقصيدة الثانية لشاعر هذا المنتدى/ نايف بن مسرع " الشامخ " مجاراة لقصيدة السبيعي.

يازين فعل(ن)  ياالدواسر  فعلتوهفعل(ن) سبقتوا  فيه  كل  القبايل

حتى لو  إن  الناس  بعدين  سووهأنتم  هله  من  قبل  وأنتم  الأوايل

قلتوا   كلاماً   للضيوف   وحميتوهوعاداتكم  بالضيف  فعل  الجمايل

يوم  المزاين  بينكم  ما  احتكرتوهماعودوا     ضيفانكم     بالفشايل

من كان معه  مشاركه  مامنعتوهماقيل   ذا   واجد   وذولي   قلايل

بينتوا   العلم   الجميل    ورفعتوهللي    يحسّب    دقّها     والجلايل

تستاهلون  الطيب  ياللي   عملتوهويفوز بالطالات من كانط¸â‚¬ايل

ماهمكم  مال  العناء  لو  جمعتوهماباقي  إلا  الفعل   والمال   زايل

هذاط¸â‚¬ريقاً للنشامى رسمتوهإلا الذي سلمه  عن  الطيب  مايل

قررتوا الدرب  الصحيح  وفرضتوهمثل  القلايد  في  رقاب   الأصايل

دن القلم لي  وناصع  الطرس  هاتوهالوقت    حان    لصادقات     المثايل

هاج  القصيد  وصابني   منه   مشروهولا  جت  مواجيبه   يجي   له   ملايل

يزمر  كما  حر(ن)  من  الوكر  هدوهولا  كما  واد(ن)  من   الغيث   سايل

سمعتنا  دسمان   لا   فض   له   فوهوطربتنا      لأبياته      اللي      دلايل

يجبرني   المعنى   على   قافية    أوهولا  ترى  لي  في   قصيدك   مسايل

مدحك  بربعي  يافتى  الجود  سمعوهوتفاخروا     به     ياكريم     السلايل

تثني على الليط¸â‚¬يّب الفعل سنّوهوتوارثوه     من     الجدود      الأوايل

آلاد  زايد   من   شكى   الضيم   لبّوهويفرح   بهم    منهو    زمانه    تمايل

والطيب   فنجال    إلا    منه    صبّوهينساق    للي     يكسبون     الجمايل

ورجم   المعالي    ياسبيعي    رقيتوهوساع  البشوت   وكاملين   الخصايل

وبافعالكم   ثوب   المراجل   لبستوهوأشباهكم     بين     القبايل     قلايل

يقوله  اللي  شاف...   ماقال   قالوهوعاشر   نشاماً   يكسبون    الطوايل

حازوا  على  الفعل  الجميل  وتحاموهوتميزوا     بالطيب     بين     القبايل

وهذا  جوابي   ياهل   العرف   حطوهفي صفحة(ن) فيها تخط¸â‚¬الفعايل

 

 

 

 

[معلومات العضو الواضح]

تسلم يابو عبدالمحسن المسعري



على إيراد القصيدتين





وصح لسان السبيعي ولسان ابن مسرع

 

 

 

 

[معلومات العضو مسعود المقيبلي]

لاهنت يالمسعري وصحت
السنت الشعار

 

 

 

 

[معلومات العضو الركن "أبوعبدالله"]

لاهنت يابو عبدالمحسن وبيض الله وجهك

وصح لسان الشاعرين السبيعي ونايف بن مسرع

تقبل تحياتي

 

 

 

 

[معلومات العضو راشد المسعري]

الأخ المتألق (الواضح) مرورك شرف ، وتعليقك فخر ، ولكم مني كل الشكر والتقدير،،،

 

 

 

 

[معلومات العضو راشد المسعري]

المبدع ( مسعود المقيبلي) لك مني كل الشكر والتقدير ،،وأتمنى أن أقدم ما يرضي الجميع،،،، ودمت بخير،،،

 

 

 

 

[معلومات العضو راشد المسعري]

شاعرنا المتجدد (الركن أبو عبدالله) والشكر موصول لك بجميل المرور ، وحسن التعليق ، وليس لي إلا قول بيض الله وجهك

 

 

 

 

[معلومات العضو الموج]

ونعم بدسمان وصح لسانه/// شاعر معروف من فحول الشعراء

وقصيدته وافية ولاعلى سبيع الغلباء زود


.

 

 

 

 

[معلومات العضو راشد المسعري]

الموج أرحب وحياك الله ، وصدقت دسمان بن مناحي السبيعي شاعر كبير ومعروف ويستاهل هو وربعه المدح .

 

 

 

 

[معلومات العضو العماني]

صح الله لسان الشاعر الشامخ نايف بن مسرع المسعري على الرد الجزل والطيب والغير مستغرب من شاعر كبير مثله يفتخر منتدى الدواسر بكونه احد اعضائه

لاهنت يابومحسن وبيض الله وجهك

تقبل تحياتي،،

 

 

 

 

[معلومات العضو ابن محمد الودعاني]

لاهنت يابو عبدالمحسن على مشاركتك الطيبة

وصح السانك والسان الشاعرين

ولاهيب غريبة على الشاعر نايف بن مسرع يشهر القاف من ضميره كما تشهير السيوف من غمدها

تسلم يمينك على الاختيار الموفق

 

 

 

 

[معلومات العضو راشد المسعري]

الغالي: هايف العماني

و

الغالي: أبو محمد الودعاني

مرحبا مليوون بكم يالنشاما ، ويسرني أن تكون المشاركة حازت على قليل من رضاكم ، ومروركم طول الله عماركم على المشاركة يزيدها جمالاً . دمتم بخير ولكم ودي ومحبتي...

 

 

 

 

[معلومات العضو أبو زايد التغلبي]

المبدع ومتخصص القصائد المتبادلة بين الشعراء أبو عبدالمحسن المسعري ـ سلمت يمينك اللي ما تنقل إلا الروائع ــ وصح لسان ا لشاعرين الكبيرين على ما خطته أنامهلم وحق لكل قبيلة أن تفتخر بأي شاعر من أبنائها يدافع عنها ويرد الجميل لمن أثنى عليها.

تقبل تحيات وود المخلص (أبو زايد التغلي)

 

 

 

 

[معلومات العضو راشد المسعري]

هلا وغلا بك يابو زايد حياك الله واشكرك على جميل ماقلت يالغالي.
وهذا أقل ما أقدمه للمنتدى الغالي الذي يهم الجميع رقيه وعلوه ودمت ذخر يالذيب.

 

 

 

 

[معلومات العضو المسعري]

مشرفنا الغالي وابن العم الرائع ( أبو عبدالمحسن المسعري) بيض الله وجهك وبيض الله وجه الشاعرين المبدعين ( دسمان السبيعي )و ( نايف بن مسرع) على الرائعتين ولاهيب غريبة عليك يابو عبدالمحسن فأنت ذواق واختيارك دائماً يدل على ذلك.

سجل شكري واعجابي ولاهنت ولاهان الشاعرين الكبيرين،،