ياللي عاى النت و العذرى تماريبه

**معلومات** **العضو** · 05-09-2005, 02:18 PM

ودنا نتسلى في سوق المعاني:

خلوووووووووووووها

ياللي عاى النت و العذرى تماريبه**** يقلط علينا و نوفي له مطاليبه
لكن ترا الضيف في حكمة معازيبه **** الله يرحم فهد ويعز عبدالله

اسوق القدم لو يبعدن المشاوير **** وعقب صبي ماب راسه هقاوي

وادور عاى اللي مايحسب المخاسير **** زبون المتلي يوم رفع العزاوي

**معلومات** **العضو** · 05-09-2005, 03:00 PM

ارحب يا فتى الجود واستلم يا احبيبي

خلوووووووووووووووووها

يا مرحبا حييت يا طير حوراني = اعداد ما هلت هماليل الامزاني

لا هنت يالمنعور يا ذرب الايماني = الله يرحم فهد ويعز عبدالله

فاض القريض وعبر الفكر تعبير = ولا دام منهو فالزوايا يزاوي

مقصد كلامي له معاني وتفسير = مدرك بصير و للمعاند نداوي

**معلومات** **العضو** · 05-09-2005, 03:22 PM

فتى الجود + شاعر

ماشاء الله عليكم ، بيوت مليانة معاني وحماس ، وشعار من النوع الثقيل بعد ، كلنا متابعين ومشجعين لكم ، واصلوا الأبداع وحمسوووووووووووووووونا.

**معلومات** **العضو** · 05-09-2005, 03:30 PM

خلوووووووووووووووووها

حاضر معك يافتى والذيب ناويبه........والحر لابد يدميلك مخاليبه

والي سواتي بعيداتن مشاريبه........الله يرحم فهد ويعز عبدالله

حضرنا عسا المولا يرد المداوير........ونسمع علوم الخيروالكل ناوي

ونمشي بذودن كل بوها مغاتير........ونترك هل الديره مع كل شاوي

**معلومات** **العضو** · 05-09-2005, 03:31 PM

ارحب واستلم لا هنت:

وبك البقا ياعريب الجد والساسي ***** اعداد ماهب يالمنعور نسناسي
والسوق مايقبل الا ذهب والماسي*** الله يرحم فهد ويعز عبدالله

نعز الرجال و ما نذل المناعير ***** ولا نعطي فراش السعاده شقاوي
عسى في رصيدك ياعميلي دنانير ***** ترى السوق مايقبل زبون الرشاوي

**معلومات** **العضو** · 05-09-2005, 03:31 PM

العذر اخوي الشاعر ماشفت ردك على فتى الجووووود العذر والسموحه والميل بينكم

**معلومات** **العضو** · 05-09-2005, 03:58 PM

عسى في رصيدك ياعميلي دنانير ***** ترى السوق مايقبل زبون الرشاوي

بيت عميق في معناه لله درك
وين الصفوف
انا مع اخوي شاعر
سرررررررررر الليل

**معلومات** **العضو** · 05-09-2005, 04:06 PM

ارحب مليووووووووووون يا صعوط المجانين

ومروررررررررك شرف

**معلومات** **العضو** · 05-09-2005, 05:17 PM

اخوي شاعر وين رحت نفداك ؟؟؟

**معلومات** **العضو** · 06-09-2005, 12:57 PM

فتى الجود العذر والسموحة تعطل علي الجهاز ولا اقدرت استسمح البارحة

واستلم يا عميلي

يا مفتهم مضمون قصدي وما اريدي =ننهى عن اللي شرد الشمل تشريدي

من شان ما نفتح مجال المناقيدي =الله يرحم فهد ويعز عبدالله

حنا لك الله نستعيب المعايير = وننطح عظايم كايدات الدعاوي

احذر عميلي الشبح له مناعير = يا راكبن من فوق صفرا عرواي

**معلومات** **العضو** · 06-09-2005, 01:22 PM

ابو عبد المحسن

الحساوي

صعوط المجانين

بيض الله وجيهكم على الصفوف والحماس

**معلومات** **العضو** · 06-09-2005, 02:37 PM

ياشاعر الشاعر يبينه ماروده**** وكلن ترا يجود يالمنعور ماجوده
وانا نزيد المسك بالمسك والعوده **** الله يرحم فهد ويعز عبدالله

وحنا لك الله مانهين المسايير **** خلك بعيد ولا تحوم الدناوي
ترا الشبح ماهوب شف المعاشير *** ولا ساقها في وسط روض خلاوي

**معلومات** **العضو** · 06-09-2005, 02:48 PM

استلم يالقرم

الفارس الشجاع عوق الخصيمي = ما طاع شور اللي كلامه عقيمي

الصادق المخلص ضميره سليمي = الله يرحم فهد ويعز عبدالله

صرف المعاني مثل صرف الدنانير = مثل المعادن به جواهر وماوي

ويوم الذهب بايام غلو المساعير = وكل الملا موعود رزقه سماوي

**معلومات** **العضو** · 06-09-2005, 03:34 PM

عن اذنكم ساعة وبعود

**معلومات** **العضو** · 06-09-2005, 03:45 PM

خلووووووووووووووووها

استلم يالقرم:

ياصاحبي لا غدا في الجو دخاني *** ويش عزوتك لا تعزوا فلان و فلاني
فارس نشد فارس في سط ميداني *** الله يرحم فهد ويعز عبدالله

لا من حضرنا في صفوف الطوابير **** لازم نعرف اللي معانا مخاوي
حتى نحط اسمك بوسط الشعاعير **** نكتبه مع مستور وابن العطاوي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية