أبيات تحث على الطيب و المراجل

[معلومات العضو محمد بن الأشيب الغريري]

هذه الابيات قمت باختيارها لكم...
واتمنى ان تنال اعجابكم..

~~~~~~~~~~~~~~~~~~

الطيب يعرف والمراجل وهيبه

والعز يبقى للنفوس العزيزات

~~~~~~~~~~~~~~~~~~

عسي صبي ما يشــب المـنارة

لاجــا مسـايير ولا جـاه خطــار

على المسير ما يوجهـه بشارة

يرسل عليه الله بقصاف الأعمار

~~~~~~~~~~~~~~~~~~

من لا يحوش المراجل بأول الروح

ما حصل المرجله والراس شــايب

لا صار رأس الصبي ما هو ممدوح

لا تستحق لا حضرون قيل غـايب

~~~~~~~~~~~~~~~~~~~~


وهنا بيت يسوى له قصيده..

صبيها مــن يحــتمل للخســـارة

على المراجل حازم الرأي صبار

~~~~~~~~~~~~~~~~~~~

ومن الوصايا القديمه اليكم هذه الابيات..

يا ذياب أنا بوصيك مني وصـيه

وصيــة عدمــت عـلى فاهــميـنا

أوصـيك لاجـــاك أجنـبي لحاجه

اقضـه ولــو من مالنا مـشترينـها

وأوصيك لا من جاك راعي طلابه

اترك معي الهرج وأعمد سمينها

يروح منـك مخـلصة وانـت خالـص

وحجارة الروا ما دسمت حافرينها

~~~~~~~~~

اخواني مرتادي منتدى قبيلة الدواسر...

اتمنى لكم المتعه والفائده دائما.....

للامانه... تم نقلها بتصريف... من موقع جريدة الرياض...

~~~~~~~~~~~~~~
واضيف لكم من عندي... اقصد من الابيات التي احفظها...

اذا جاء للفتى عشرين عاما...
ولا يعرف دروب الموجباتي..
فلاتشفق عليه ان قيل حيً
ولا تبكي عليه ان قيل ماتي..

وأرجو اضافة مالديكم من ابيات تحث على الطيب والمراجل..


استودعكم الله...

اخوكم / ابن غرير...

 

 

 

 

[معلومات العضو الودعاني]

صح لسانك أخوي ابن غرير

على الابيات التي تدل على طيبتك واصالتك ...

ولاعدمنا شوفتك..

 

 

 

 

[معلومات العضو الحقباني محمد]

السلام عليكم ورحمة الله وبركاته
صح لسانك اخوي ابن غرير واضيف عليها
المراجل مثل طلعة كرا =مايفوج الوعر كود الجري

وهذا بيت من قصيدة قلتها في احد المواقف

المراجل مثلها مثل الزجاجة =حفظها لاتنكسر يبغي عزومي

 

 

 

 

[معلومات العضو يحيى الودعاني]

تسلم يمينك

ختيار رائع وذوق رفيع

 

 

 

 

[معلومات العضو محمد بن الأشيب الغريري]

ما عليك زود يالودعاني

واسعدني هذا المرور الكريم

ولك كل التقدير

 

 

 

 

[معلومات العضو محمد بن الأشيب الغريري]

وعليكم السلام و رحمة الله و بركاته

صح بدنك اخوي الحقباني محمد

واسعدني هذا التصفح وهذا التعليق الجميل

ولك عاطر التحايا

 

 

 

 

[معلومات العضو محمد بن الأشيب الغريري]

يحيى الودعاني

هذا بس من ذوقك الرائع

وشاكر على هذه الاطلاله الحلوه

وتقبل تقديري

 

 

 

 

[معلومات العضو البدوي]

روعه في اتلاختيار وانت اروع يالذيب

بيض الله وجهك والله لايهينك

 

 

 

 

[معلومات العضو مبارك سيف الدوسري]

اخواني الاعزا فكره شاقتني وساقتني لكي ااكتب هذه القصيدة التي تحكي عن اعداد القهوة وبعض الرجال الطبيعه واوصف الابل عساء ان تكون في المستوي المنشود


في مكان بين لاغصان وزهور النفل
زين شب النار في حد شمس من ضلال
في فياض مخضره علها ديم وطل
والهوا من بين غربي ومن بين الشمال
النسيم اللي يداوي قويات العلل
ديرة شمة هواها يوسع كل بال
ودي اصفها على الهون ماحب العجل
بتأنا في الوصايف الي جالي مجال
اسمعو ماقلت فيها كما نقد الهلل
باصف الابل والمخايم بعد وصف الدلال
شب نارك يامقهوي وخلها تشتعل
وقرب البن اليماني وخلك بعتدال
اشتر البري ترى غيرها ماينقبل
الرخيص بخيص مايبنغى بيات حال
حبة قطماً صغيره ولافيها بلل
من شجرها اللي تسلق طويلات الجبال
جاتنا من صوب صنعاء تورد في عدل
وزعوها اللي تسابق على جمع الريال
احمسه واحثر لكيه ترى مايحتمل
ولانقلب لونه فكبه بمبراده لحال
ودق في نجر يهيض المشقى لازجل
كل ماتلمس جنوبه يجي عنده اعوال
ولقمه في اللي على النار قامت تجتهل
فوق جمر طاح من عرض عودان اجلال
وقرب قنادك ونقه وخلك في مهل
لاتعجل شغلت الكيف ماتبغي عجال
قنده بالهيل والزعفران ويكتمل
وازن المسمار ويجيك ذوقه في عدال
وبهره في دلة ماتبي فيها بدل
صنعت الرسلان مهيب حي الله وقال
وقبل فورتها على النار جنبها وزل
تصبغ الفنجال تشبه كما دم الغزال
دلة فنجالها ريحته تجلى الملل
لوتوصفها تقول انك في نسج الخيال
صبها للي بصعب المواقف يحتمل
بالكرم والدين والخلق شبره مايطال
للحمول الكايده بارك مثل الجمل
كل مامريت بيته الي عنده مضال
وصبها للي اليا من زهمته مافشل
في ضروف الوقت ولامناطحت الرجال
وصبها للي يحاول علي جمع الشمل
دامحً زلات ربعه على طول الليال
وان سمع له زلتً صد والياقال دل
مايدور لطلايب ولاكثر الجدال
ونشاماء حقهم عندنا يثنى دبل
وكل بيت ياهل العرف يوجد به ادلال
ومد شوفك وانظر النبت وانظر في الابل
والبيوت اللي تشيد على حد الرمال
وانظر الشول المغاتير وخيار الشعل
وشوف صفراً شوفها في حياتك راس مال
مرق الغرب طوال الرقاب من الفحل
فرع رثم العرانين ضافيت السبال
والخفاف اصغار واسلافها عرض وجل
والذيول مشترات تجي وقم القفال
والاذاني في قفا الراس كن فيها ميل
مايلات للمعاذر ومنها الراس مال
لوتجي بازين معاد تلقى له محل
كاملات بالوصايف وراكبها عدال
كل ماتسمع ندا الصوت قامت تجتول
من طبايعها على الصوت كن فيها جفال
وعاين الشول المجاهيم زينات القبل
كل ملحً نابي نيها سنداً نوال
تسعة اشبار من البرجمه ولاتقل
وعيزها فتراً قصير مواطيها ثقال
شامخ كن ارقبتها من الغارب تتل
فارع كنها تناوش نبات فوق جال
والخدود اعراض والوجه ضايفت السبل
ولاذاني حربتين على جبة اقتال
شوفت الابل بتهج الصدر لونها همل
وارثين حبها من على جدً وخال
هي بداوت من تبدوى من شد ونزل
عندي انها قبلة الارض وخيار الحلال
وهي تراث الشعب قبل المواتر والفلل
رزقهم فيهاوفيها يشدون الرحال
زينها في ديرة قشعها رمث وعبل
وكل وادي من مناشيه صوب الارض سال
مكتسيها زاهر العشب من بعد المحل
كل ماتطلع له الشمس صوب النور مال
في فياض بين خشم العدامة والجبل
والهضوب اللي تدمس حصاها في رمال
والبيوت وشوفت الابل على الزيلة اجمل
وكل مادبر مخال تقفاها مخال
هي هوابالي وغيري يبيها بالمثل
ومكسب الدنياء العباده وتاليها الزوال
مير ياسامع كلامي على المبعوث صل
عد مايضهر سنا الصبح ويبين الاهلال مبارك سيف الدواسر

 

 

 

 

[معلومات العضو محمد بن الأشيب الغريري]

البدوي

لاهنت ياذيباااان على هذا المرور الكريم

ووجهك ابيض يالسنافي

ولك خالص التقدير

اخوك / ابن غرير

 

 

 

 

[معلومات العضو محمد بن الأشيب الغريري]

مبارك سيف الدوسري

شاكر على هذه الاضافه الجميله

وعساك على القوه دوم

ولك مني كل الاحترام


اخوك / ابن غرير

 

 

 

 

[معلومات العضو الواضح]

ابن غرير

لاهنت على هذا المجهود الطيب


وعلى الأختيار الجيد

 

 

 

 

[معلومات العضو فتى الافــــلاج]

لاهنت اخووووووي

ابن غرير على نقل الابيات


اخوووووووك / فتى الافــــلاج

 

 

 

 

[معلومات العضو محمد بن الأشيب الغريري]

الواضح

لاهنت ياذيباااان على هذا المرور الكريم

ووجهك ابيض يالسنافي

ولك خالص التقدير

اخوك / ابن غرير

 

 

 

 

[معلومات العضو محمد بن الأشيب الغريري]

ولا انت اخوووي فتى الافلاج

وشاكر هذا التصفح العطر


ولك تقديري