(راحت عصور الخيل مع ضمّر الجيش)رائعة جديده لنايف بن مسرع

**معلومات** **العضو** · 08-10-2010, 02:26 PM

بعـد السهـر صبحـي تنفّـس علـى ويــش=مـــادام حـظــي عـــن سـمــا الـحـلـم ثــــاوي
تـعـبـت مـــن طـــول الـسـفـر والمـطـاريـش=ومـمـشــى بــــدار ٍ حـافـهــا كــــل عــــاوي
طير ٍ كفخ بالريش ليـن أنهـك الريـش=وعــوّد عـلـى جــو ٍ مــن الصـيـد خــاوي
وتعبت أنبّـش فـي ثـرى الصمـت تنبيـش=يــــــــوم إنــــبــــرى لـلـســالــفــة كـــــــــل واوي
وطلّـقـتـنـا آمــــال الــوفــا فــــي الــدراويـــش=ضـيــوف الـمـصـالـح مخـلـفـيـن الـهـقــاوي
إللـي خـذوا مـن هـبـدة الـصـدر بخشـيـش=عــــلــــى بــــســــاط الــمـــائـــدة والــقـــهـــاوي
وإلــيـــا كـــلـــح وقـــتـــي ولاعــــــاد مــنّــيــش=يـــامـــا تــقــطــع فــــــي يـمــيــنــي عـــــــراوي
يــاضــامــيــة وش يــنــفــعــنّ الـمــنــاقــيــش=وأشـــــواك صــــــدري مــاقــدرهــا الـــمـــداوي
يـاضـامـيـة.. حـتــيــش حـتــيــش حـتــيــش=مـــاعـــاد يـــمـــدي تـكـشـفــيــن الــغــطـــاوي
إخـتـرت سـتـر الـجــرح مـادمــت بـاعـيـش=لــو غــار جـرحـي مـــات وجـهــي حـيــاوي
يــاضــامــيـــة لاتــكــثــريـــن الـــوشـــاويـــش=والــســالــفـــة غــــنـــــا بــــهـــــا كــــــــــل راوي
بشـويـش وإلـلــي يـرحــم أبـــوك بـشـويـش=مــالــي ورى بــعــض الــدعــاوي دعـــــاوي
دام القـضـاة.. تعـيـش وتعـيـش وتـعـيـش=لـــو الـعــدل فـــي غـيـهـب الـجــور هـــاوي
أفـضـل وسيـلـة.. نـتـرك الـحـلـم بالـعـيـش=ونــروى ضـمـا مـــن جـــمّ عـــد ٍ رهـــاوي
مــادام صــوت الـحـق جــا فـيـه تـشـويـش=وصــــمّ الأذانــــي عــنــه نــبــح الــضــراوي
ولاصــار كـلـن شــاخ لالـبـس لـــه خـيــش=سلّـم علـى أهـل الصيـت و أهـل العـزاوي
"راحت عصور الخيل مع ضمّر الجيش"=وهـــــــذا زمــــــــان مـجـمّــعــيــن الــحـــكـــاوي
وإنــكـــان طـاولــنــا الـســفــر والـمـطـاريــش=يالله بـحــلــم ٍ تــالـــي الـــوقـــت ضــــــاوي
وإن شـحّــت عـــدود الــــروى للمـعـاطـيـش=وكـلـن نـهـم رجـلـه عـلــى الـبـعـد نـــاوي..
..أحدن يـبـي مــن دوجـتـه لقـمـة الـعـيـش=وأحدن مـــــن الـبــطــرة يــجـــر الـخــطــاوي

**معلومات** **العضو** · 08-10-2010, 02:44 PM

لله درك يا نايف كتبت فأبدعت .

أبيات اقل ما يقال عنهآآ رائعه .

صح لسان نايف ابن مسرع ولسانك يا راشد .

ويعطيك العافيه على نقلهآ لنآ .

**معلومات** **العضو** · 08-10-2010, 02:52 PM

لاهنت اخوي راشد وبيض الله وجهك على الرائعه دائماً مبدع

وصح الله لسان الشاعر الكبير نايف بن مسرع جزل وقصائده رائعه وجميلة..وابيض وجه..

**معلومات** **العضو** · 08-10-2010, 03:02 PM

ولاصار كلن شاخ لالبـس لـه خيـش

سلّم على أهل الصيت و أهل العـزاوي

"راحت عصور الخيل مع ضمّر الجيش"

وهـذا زمـان مجمّعيـن الحـكـاوي

صح اللسان الشاعر نايف بن مسرع

أبيات جزله وقويه

والله يبيض وجهك ياراشد على نقل القصيده

**معلومات** **العضو** · 08-10-2010, 05:37 PM

اقتباس:

المشاركة الأصلية كتبت بواسطة عبدالرحمن آل بريك

لله درك يا نايف كتبت فأبدعت .

أبيات اقل ما يقال عنهآآ رائعه .

صح لسان نايف ابن مسرع ولسانك يا راشد .

ويعطيك العافيه على نقلهآ لنآ .

ارحب يابو فلاح

صح بدنك بالنيابة عن ابو عبدالعزيز

والرائع هو مرور مثلك وشرواك

تقبل ودي وتقديري ،،،،

**معلومات** **العضو** · 08-10-2010, 05:42 PM

ابيات وقوافي ولا آروع لله در نايف

وسلمت يداك يابن سحيم

**معلومات** **العضو** · 08-10-2010, 06:07 PM

صح لسانك يا ابومحسن وصح لسان شاعرها نايف ابن مسرع
قصيده رااائعه وأعجبتني . . وسجل اعجابي هنا

بيض الله وجهك على نقلها

**معلومات** **العضو** · 08-10-2010, 07:26 PM

ارحب ياراشد

حيه وحي ماجاب .. فريده من فرايد الشامخ
صح الله لساااانه ملايين جزل جزل ومنبع للفرايد
ولاهنت على اتحافنا بها يابوسحيم
تقديري واحترامي .

**معلومات** **العضو** · 08-10-2010, 11:39 PM

سلمت يد الناقل

وصح الله لسان القائل

**معلومات** **العضو** · 09-10-2010, 12:00 AM

رائع يابو عبدالعزيز جعلك العافيه انت شاعر نستفيد من شعرك ومن رايك انت فعلا الرجل الذي قل مثله في هذا الزمن .والله اني اقولها صادق
سلمت ياراشد وسلم منقولك جعل يد ك مايجيها العطب يالقرم

**معلومات** **العضو** · 09-10-2010, 12:10 AM

..أحدن يبي من دوجته لقمـة العيـش
وأحدن من البطـرة يجـر الخطـاوي

صح لسان الشاعر الجزل نايف

ولاهنت أخوي راشد على النقل ...

**معلومات** **العضو** · 09-10-2010, 12:24 AM

راشد المسعري

تسلم يمينك الله لايهينك
وصح لسان الشاعر/نايف بن مسرع

**معلومات** **العضو** · 09-10-2010, 12:44 AM

"راحت عصور الخيل مع ضمّر الجيش"=وهـذا زمـان مجمّعيـن الحـكـاوي
وإنكان طاولنـا السفـر والمطاريـش=يالله بحلـم ٍ تالـي الوقـت ضــاوي
وإن شحّت عدود الـروى للمعاطيـش=وكلن نهم رجله علـى البعـد نـاوي..
..أحدن يبي من دوجته لقمـة العيـش=وأحدن من البطـرة يجـر الخطـاوي

الله الله صح لسان ابوعبدالعزيز والقصيده هذه تفسير موقف صار لابوعبدالعزيز اكيد
لاهنت ياراشد على النقل الرائع...
خالص الود والتقدير

**معلومات** **العضو** · 09-10-2010, 01:41 AM

ابداع غير مستغرب من الشاعر الكبير نايف بن مسرع

دائماً أجد في قصائده مايروي الذائقة

أشكرك على النقل الممتع أخوي أبوعبدالمحسن

**معلومات** **العضو** · 09-10-2010, 02:05 AM

الله الله والله ماهي غريبة على ابوعبدالعزيز وشهادتي فيه
مجروحة فهو استاذي في الشعر حفظه الله
وبيض الله وجهك يابومحسن على النقل
جعل يمناك ما يجيها العطب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية