بقول ياتركي على الطيب منشاك؛؛؛؛؛؛منشا رجال الطيب منشا صناديد

[معلومات العضو انا ابو نايف]

هذي قصيده لي
مصيبيح بن متعب ::وهي تعبر عن نفسه
بقول ياتركي على الطيب منشاك
منشا رجال الطيب منشا صناديد
بقول ياتركي عسى اللاش يفداك
يفداك ولد اللاش راعي المناقيد
ﻻ واهني منهو تحلا حلاياك
إيزين في عين الرياجيل ويزيد
من راس قومن فاللقا مالها محاك
سقم المعادي ضربهم يكسر الحيد
من ﻻد رجبان المسمى ومجناك
مجنا الحرار اللي تفك المعاقيد
من الطوال أصلك وفصلك ومرباك
ومن النوادس كاسبين التماجيد
هذا كلامن ماوراه أرجي رضاك
مالي ترى غايه ومالي مقاصيد
مير آتحسر كل مطريت شرواك
ليت المعرفه ماضين لها مواريد
آخذ من دروس الزمن في مخاواك
وينك من أول يوم سجاتك بعيد
ياليت ربي كاتبن لي ملاقاك
سجت قدم وياك عندي من العيد
مثلك ترى عرفه معزه وشرواك
نادر وجوده بين كل اﻷفاهيد
هذي مثايل من ضميري تنصاك
أعدها لك كاش من دون تقصيد

 

 

 

 

[معلومات العضو راشد المسعري]

صح لسانك يابونايف

الحين انت مصيبيح بن متعب

ولاّ القصيدة في مصيبيح بن متعب

وكفو بالرجبان عامة والطوال خاصة ويازين المدح في اللي يستاهلون

تقبل ودي وتقديري ،،،،

 

 

 

 

[معلومات العضو انا ابو نايف]

لاهنت ياراشد على المرور والقصيده قالها مصيبيح بن متعب
في ابوسعد