بعض البشر لامن حشمته طمع فيك

**معلومات** **العضو** · 16-06-2009, 01:03 AM

بعض البشر لامن حشمته طمع فيك=
وبعض البشر لامن جفيته يودك=
وبعض البشر يتعب على شان يرضيك=
وأغلى من اخوانه بقلبه يعــــدك=
ويا صاحبي هالحين بانت خوافيـــك=
علقـــتني مابين مزحـــــــك وجدك=
وش جاك مني ياعشيري وانا اخيك=
قبل امس انا صاحبك واليوم ندك=
لاضاق صدري من عنا وقتنا اجيك=
واشوف دمعات الغلا فوق خـــدك=
والحين تظلمني وانا منك وفيــك=
بكل إحترام اقول يا خوي حــــــدك=
ثمن كلامك يا عسى الله يهديك=
لاصار ماي الوجه يعجز يـــــــردك=
ثوب الردى ياصاحبي مايقديك=
الثوب لا ثوبك ولا القــــــــد قــــدك=
انا اول انسان اذا ضقت بجيك=
حتى ولا اذكر يوم وقــفت ضــــدك=
ماتذكر اني بالوفا كنت اجازيك=
وانته تجازيني بظلمك وصــــــــدك=
لكن خلاص اليوم والله مابيك=
النفس طابت ســــو ماهــــو بــودك=
الطعنه اللي من ورى الظهرتنهيك=
وشلون لاجاتــك من اللي يـــــودك=
لا واهني يوم انا اموت بيديك=
ذابح وتبكــــــــــي من ذبحته بيــدك=

**معلومات** **العضو** · 16-06-2009, 01:25 AM

الطعنه اللي مـن ورى الظهرتنهيـك
وشلون لاجاتـك مـن اللـي يـودك

صح الله لسانك وبيض الله وجهك على الجزله

**معلومات** **العضو** · 16-06-2009, 02:16 AM

براك الله يبارك فيك
وصح لسانك واعتلى شانك

وجعلك تسلم

**معلومات** **العضو** · 16-06-2009, 06:51 AM

براك اخوي الله يبارك فيك
وصح لسانك ,,,ولاهنت على القصيده

ودمتم بحفظ الرحمن......

**معلومات** **العضو** · 16-06-2009, 07:09 AM

صح الله لسانك ...... ولا هنت على القصيده

بيض لله وجهك

**معلومات** **العضو** · 16-06-2009, 08:02 AM

الطعنه اللي مـن ورى الظهرتنهيـك
وشلون لاجاتـك مـن اللـي يـودك

صح الله لسانك وبيض الله وجهك على الجزله

**معلومات** **العضو** · 16-06-2009, 12:44 PM

تسلمون اخواني على المرور الكريم

**معلومات** **العضو** · 16-06-2009, 01:12 PM

صــــــــــــــح لسانك وعتلا شانك

لا فظ فوك

**معلومات** **العضو** · 16-06-2009, 02:16 PM

صح السانك
ولا هنت اخوي براك

**معلومات** **العضو** · 17-06-2009, 02:37 PM

صح لسانك ولاهنت

**معلومات** **العضو** · 20-06-2009, 11:58 PM

تسلمون اشكركم لى مروركم الكريم

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية