خطلان الايدي ( قصيده في ابن وثيله)

[معلومات العضو عبدالله الحضبي]

خـــطــلان الايــــدي

قصيدة
في الشيخ حمود بن حقطان آل وثيله

سلام الله على رمـز الشهامـه=على أميـرٍ نوقـف لاحترامـه
أمير نفتخر بـه ونقتـدي بـه=سديد الشور شـوره استقامـه
حمود ابن حقطان ابن آل وثيله=أميـر لا آل رجبـان النشامـه
يعز الشايقي طاريـك ياحمـود=لأنك تـاج للجـود ووسامـه
و انا يـوم اتذكـر آل رجبـان=لوصلك يوصل الخافق هيامـه
ويزيد هيام شاعر يـوم يذكـر=هل الطاله خواله هـم عمامـه
دواسـر لابــةٍ والله لابــه=بها التاريخ يفخر كـل عامـه
لنا الالقاب مـن ربـي خلقنـا=إلى ذا اليوم وتبقـى للقيامـه
مقيدة الجمـل قيـد الحديـدي=في ساحات الوغى يرهب سنامه
جريد ارماحنا تزرق كما البرق=إلى رميت تقل نبـل السهامـه
لقبنا من الكرم خطلان الأيـدي=ومن يدخل علينا مـا يظامـه
من اسماء الأسد لقبنا دوسـر=ولا فينـا ابـد رجـلٍ هلامـه
بـدا مـن لاء تنفـذ ماتثنـى=بهـا الرجـال ياقـو اللتزامـه
وعمر ابن عامر ابـن ملطـوم=لآل زايد جد والتاريـخ شامـه
مباري الريح و القمقـام عمـرُ=مزيقياء جابرٍ كسـر العظامـه
وجدُنـا عامـرٍ مـاء السمـاءُ=كفوفه بالكرم غيـث الغمامـه
يكفينا فخر مدح اشرف الخلـق=عليه افضل صلاة الله وسلامـه
وخص الازد بأوصافٍ جميلـه=امانه وجـود وللقـوة علامـه
ومن لا له أصل فليلحـق الازد=فهم اصل العرب اهل الزعامـه
يموت الرجل حاجاته بصـدره=حفظها لم يفضها فـي كلامـه
وعلي ابن طالب قـال عنهـم=رجالٍ مابهم جبـن و رخامـه
وجدنـا الأزد اكرمكـم جـوارا=جرير قالها و طـب السقامـه
ومعلقـةٍ لعمـرٍ ابـن كلثـوم=بها العزه و بها علو المقامـه
ولنا تاريخ مع صقر الجزيـرة=ابوتركي اللي انـور باليمامـه
موحدهـا بشـرع الله وحـنـا=سيوف لله مـا نخشـا ملامـه
ومن صقر لصقر والمملكة فوق=لها صيتٍ لهـا بالديـن قامـه
قبايل اصبحت بأسم السعـودي=قبيلة وهذه من ربـي كرامـه
عسى الله يحفظ بلاد الشريعـة=من الإرهاب و أفكار الظلامـه
ويحفظ صقرنا صقر العروبـه=ملك عز الوطن همـه ومرامـه
ويحفظ عضده سلطان ويمينـه=وكفـه للوطـن درع وحزامـه
وعلى خير البشر اختم كلامـي=عليه افضل صلاة الله وسلامـه

قالها الشاعر المبدع مشعل الشايقي اثناء زيارته لمنطقة وادي الدواسر
ووجد الحفاوه والتكريم من الاد زايد

 

 

 

 

[معلومات العضو ابو فهد الغييثي]

صح السان الشاعر ويستاهل الممدوح
والله يعطيك العافيه على الطرح الرائع

 

 

 

 

[معلومات العضو يحيى الودعاني]

صح لسان الشاعر ويستاهلون الرجبان


و لاهنت على النقل يالقرم

 

 

 

 

[معلومات العضو شافي القويسي المخاريم]

بيض الله وجهك على النقل الرائع


صح لسان الشاعر مشعل و ابن وثيله يستاهل المدح




تحياااااااااااااااتي

 

 

 

 

[معلومات العضو نادر فهاد بن نادر]

صح السان الشاعر ويستاهل الممدوح
والله يعطيك العافيه على الطرح الرائع

 

 

 

 

[معلومات العضو فيصل بن جزاء]

القدير عبدالله الحضبي

لاهنت وبيض الله وجهك على النقل المميز يالقرم

وصح لسان الشاعر القدير مشعل الشايقي

ويستاهل المدح الامير حمود بن حقطان ال وثيله ويستاهلون الرجبان

خالص التقدير والاحترام

 

 

 

 

[معلومات العضو ابن دمجان الودعاني]

بيض الله وجهك على النقل المتميز
وصح لسان الشاااااعر ويستاهل ابن وثيله



تقبل تحياتي وتقديري،،،،،،،،،،،،،،،،،،،

 

 

 

 

[معلومات العضو مشعل راشد الشايقي]

الاخ العزيز عبدالله حفظه الله

بعد التحية والاحترام


اقدم لك جزيل الشكر على تشريفي بنقل قصيدتي

ومهما قلت في خطلان الايدي واجبا علي وليس مني

والشكر موصول لكل من شرفني بحضوره


تحيتي وتقديري

 

 

 

 

[معلومات العضو بوحمد الحمد]

لاهان

وصح السانكـ يا القرم

وفقكـ الله

 

 

 

 

[معلومات العضو ابن رجب]

لنا الالقاب مـن ربـي خلقنـا=إلى ذا اليوم وتبقـى للقيامـه
مقيدة الجمـل قيـد الحديـدي=في ساحات الوغى يرهب سنامه

اشكرك اخي الكريم وابن وثيله تاج على الروس
مقطع حق ورجال له وزنه وقيمته لاهنت يالغالي

 

 

 

 

[معلومات العضو حقبان الشويعر]

صح لسان الشاعر وماقصرت علا النقل الجميل 000000000000000000000

 

 

 

 

[معلومات العضو محمد الولامين]

صح لسان الشاعر مشعل الشايقي


ويستاهل الممدوح


لا هنت يالذيب على طرح القصيده


وبيض الله وجهك


في انتظار جديدك

 

 

 

 

[معلومات العضو (الوليد ابن قويد)]

بيض الله وجهك على النقل الرائع


صح لسان الشاعر مشعل
ويستاهل ابن وثيله يستاهل المدح




تحياااااااااااااااتي

اخوك
الوليد ابن قويد

 

 

 

 

[معلومات العضو ابو حصين المصارير]

صح لسان الشاعر والله ويستاهل الممدوح
والله لايهينك على النقل

 

 

 

 

[معلومات العضو ابو حسين الدوسري]

والله يستاهل الشيخ حمود وجعله يدوم ان شاء الله

وهو كفو ا ويستاهل المدح

خالص التقدير