ياحبي المفقود , اقعد بحاكيك !

[معلومات العضو إبن دوسر]

السلام عليكم ورحمة الله وبركاته,,

اقدّم لكم اليوم قصيده غزليّه بعض الشيّ ؛)

اتمنى ان تنال على رضاكم,,

ياحبي المفقود , اقعد بحاكيك !=ماصدّقت عيني تشوفك دقايق
ادعي قبل شوفك ولمسة ايآديك=اروح فدوه يامنى كلّ فايق
احب جيّاتك وذكرك وطاريك=اللي تخلّيني انا آنسان رايق
صوتك دفاي وبحّته راس مغليك=حببتني باسمي وماهوب لآيق
عطرك وفمك والعيون المحانيك=نادر على بدّ البشر والخلايق
اكتب ولا به في البشر من يجاريك=تقدر تقول اصبحت كل الرفايق

انتظر ردودكم وتعليقاتكم

 

 

 

 

[معلومات العضو خيالية]

وعليكم السلام ورحمة الله وبركاته

أبدعت في قصيدتك ،

احترامي وتقديري ..

 

 

 

 

[معلومات العضو مبارك بن شافي النتيفات]

يعطيك العافية وصح لسانك

 

 

 

 

[معلومات العضو شافي بن راشد النتيفات]

صح لسانك واعتلى شانك يابن دوسر

 

 

 

 

[معلومات العضو اسد الوادي]

لاهنت يا اخييي الشاعر
إبن دوسر
كلمات روعه وصح السانك
وسلمت الأيادي على القصيده الجزله
وفي انتظار ابداعكم



يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور

 

 

 

 

[معلومات العضو محمد مطلق آل بريك]

احب جيّاتـك وذكـرك وطاريـك
اللي تخلّيني انـا آنسـان رايـق
صوتك دفاي وبحّته راس مغليـك
حببتني باسمي وماهـوب لآيـق

صح لسانك واعتلى شانك


ودمت مبدعا