ليت مداة اليالي تجي صوبي سمان

[معلومات العضو فهد الغريري]

شطروني عن هوى الخفراة خوف امن الجنان = والحقوا ميزات عقلي والذي منها تبقى
دامني لاجيت بمسي غدت عشري ثمان = وغرقت عيني بماها والمحاجر به تسقى
اتوجد واتهشم ليت ماقد كان كان = كان انا سالم عذاب التفرقه ماني مشقى
وش اسوي ياعوارف عطو قلبي ضمان = وانجي بثوبي واشاوف للهزايع واتتقى
لين تفرد عن جنابي واتلذذ بالامان = وتاتي الهقوه بحظي طيبه قبل اتهقى
ليت مدات اليالي تجي صوبي سمان = واتشيخ في العطايا دون خشره واتنقى
مير مدتها تردى من زمان لا زمان = والوفق لامن نخيته لي الاكتاف لقى

الشاعر العزيز الغالي صاحب اعذب القوافي وارزنها


ابو سعود " عبدالله الصخيبري" اررررحب تراحيب البدو للمطر

ارررحب من قلب واحدٍ يعزك ويغليك والله اني صادق


الله الله على هذي القصيده التي تغمر الفوأد وتشرح الخاطر


والله يابوسعود مهما قلنا في مقامك العالي جعلهك المعزه منوفيك حقك


ابو سعود عــز الله انك وافي من ربعٍ وافين جعلكم المعزه


ابوسعود حبة خشم على هذي القصيده الجزاله


وننتظر جديدك المميز جعل من ارثك في الجنه


وتقبل تقديري واحترامي واعتزازي في شخصك الرائع


اخوك / فــهــد الــغــريــري