12-02-2007, 06:07 PM
|
#1
|
 إحصائية
العضو |
|
|
|
رد: الناس !!!
اقتباس:
المشاركة الأصلية كتبت بواسطة مسفر المصارير
الناس واجد فيهم القرم والذيب = وفيهم ردي النفس راع النقاده
أحدٍ بطيبه كنه الشمخ النيب = واحدٍ ترا ما هو بساوي جراده
ناسٍ تصاحبهم ونعم الاصاحيب = العز والنوماس والجود عاده
يستاهلون الطيب كسابة الطيب = و أهل الوفاء يستاهلون السياده
أشفق على خوة عطيب المضاريب = الجود ساسه وارثه من جداده
راع الفخر اللي يسد المطاليب = أنا أشهد انه يستحق الاشاده
نسل الرجال أهل السيوف المحاديب = الطيب له عنوان والطيب زاده
الحر يسكن فوق روس المراقيب = ولا شاف له صيدٍ على طول صاده
وبعض العرب حاول تجنبه تجنيب = الوجه الأسود واضحٍ من سواده
راع الردا اللي دوم يبحث عن العيب = راع العلوم السافله والنكاده
خله ترا خوته فيها عذاريب = واللي يعاند ما يفيده عناده
خذنا من الدنيا دروس وتجاريب = والنار نعرف تاليتها رماده
يا الله تجملني قبل يظهر الشيب = يوم أن راع الزرع يأجد حصاده
هذا كلامٍ من صميم الحشا جيب = عسى يفيد اللي يدور إفاده
قولي ترا ما يقبل الشك والريب = الصدق عنواني وهو لي عاده
شاعر ولا آرد غير عذب المشاريب = وغيره ترا مالي به اليوم راده
يا الله يا اللي تعلم السر والغيب = أسألك حسن الخاتمه والشهاده
|
 |
|
 |
|
صح الساااااااااااانك يابو نايف ملاااااااااااايين تقفاها ملااااااااااااااااااايين
والله اني حاولت اختار بعض البيوت من القصيده وعجزت اميز فيها بيت عن بيت
كلها من اولها لتلاها ابداع × ابداع
بيض الله وجهك 0 تقبل مروري
ولك عظيم الشكر والتقدير0 |
|
 |
|
 |
| التوقيع |
|
|
|
|
|
|
العرض المتطور
المواضيع المتشابهه
