انتبهو من مشغل لبنه بالرياض

[معلومات العضو بنت صقور]

اشكر الجميع على المرور ويعطيكم العافيه..
يالنسبه لك يااخي ابو لورنس فأنا والله اتقبل وجهة نظرك بصدر رحب..
ردي عليك بانه يااخي ماكل مايكتب بالنت لازم نكون شايفينه او سامعينه.. وخبر زي هذا الكلام طلع عليه ووصل لمناطق ثانيه وهو بالرياض.. (يعني انا سامعته من قبل مااقراه) وانا لما شفته منزل بالنت قلت انزل لكم الموضوع وهذا من باب التحذير يعني مافيه دخان من غير نار..واش معنى هالمشغل اللي بيكون عليه اشاعه ياما مشاغل احسن منه واشهر واكبر موجوده بالرياض ولها منافسين ومع كذا ماطلع عليها كلام..
بالإضافه لسؤالك انه ماقفل ولا يكون اخذ عليه اي إجراء!! يعني جت على المشغل ياما قضايا اكبر منها ويطلعون اصحابها منها؟؟
ونقلي للموضوع كان من باب التحذير يعني اقل مافيها لو جاك الحين احد وقالك انه كذب وطلبوا منك الاهل انك توديهم له ماراح ترضى (طبعا هذا اللي اتوقعه) لان خروج كلام من هالنوع يجعل الشك يساير نفسك..
بعدين الاخ اللي يقول ان مسألة التشهير فيها مسائله قانونيه !! خلاص روح ارفع قضيه على اغلب مواقع النت وطلع مصدرها..
وتذكروا ان الموضوع هنا اوهناك في اي موقع كان ( للتحذير وليس للتشهير).
وعلى العموم اتقبل وجهة نظركم وياليت تتقبلوا وجهة نظري انا كمان ... ويعطيكم العافيه.