النوم غفوة وكثر النوم لفلانه !

[معلومات العضو بدر بن صقر العجالين]

العيـن عيـا يغافيهـا لـي النومـي=عيني من اسهادهـا تجـض شبعانـه
أنا عن النوم لـي سجًـات وعزومـي=والذيب يرقد لكـن ماغمـض أعيانـه
أسلا على قافي ولـي فتـل وعلومـي=وابدع من القيل جزلاته مـع سمانـه
واترك هل الشوم هم والشوم في شومي=وش لي بفعلة حميّـد هـو وسلطانـه
وقلبي يعيش العنـا ويـدك بهمومـي=يشعاه راسٍ وشانه ما انقضـى شانـه
يانوم لـو تشتكـي مانيـب مليومـي=النوم غفـوة وكثـر النـوم لفلانـه !
وصلوا على الهاشمي واردهـا دومـي=محمد اللي كمـل فضلـه مـع إيمانـه

لا حول ولا قوة الا بالله..

يا بوعبدالله قصايدك ذي تهيضنا تضربنا على الجرح هههههههه..

أخووي الغالي

( ابن دوسر - أبو عبدالله )

أكرر واقوول انت حبيبي..

شاعر مبدع وانا اول معجبينك..

صح الله لسانك ولاهنت على ذا الرائعه..

وتقبل تحياتي،،