اقتباس:
المشاركة الأصلية كتبت بواسطة فهد بن شويمي
ياصاحبي .. نشدتني وش حالي و ويش الجديد=ابشرك طيب وباقول الجديد وانتبه
عشان تفهم مقصدي من غير ويش وعيد عيد=باقول بعض اللي مضايقني وبكتم اغلبه
لني محب اقول حاجه ماتفيد المستفيد=ولا احب اكتب بيوت امبطنه ومعلبه
انا زهقت .. امن الحكي .. والمدح .. والقاء القصيد=او من مجامل عالمن مالسئلتهم اجوبه
ومن هجوس البعد .. والتفريق .. والحظ العنيد=ومن ظروفِ تجهد الرجال صدق وتتعبه
الا القصيد .. اللي يقال انه حداثي او جديد=معاد يعرف اصدقه .. من اعذبه .. من اكذبه
الشعر .. ياودك يكون اما مؤثر .. او مفيد=عشان لاسمعه حدن ذويق لازم يعجبه
احيان .. احس ان الشعر حاكم .. واعوانه عبيد=واحيان .. احس انّه ضعف .. وسياسته متذبذبه
ياصاحبي .. يابو فكر راقي .. وياملح النشيد=انا اعتقد ان بيني او بينك .. علامات وشبه
لذا .. اترك الشعر الهزل .. اللي يضر ومايفيد=واسمع قصيد الشاعر اللي به قبول .. وموهبه
الترفه .. اللي تفرق إمن الغيد .. بالعنق الفريد=كن العسل .. في ثغرها ذايب .. وكنها تشربه
لو تبتسم .. شب الجمر وذاب بشفاها الجليد=ولو تحزن .. كن الدموع تسيل .. فالخد إذهبه
ترفه بها حنكه وطيب .. وفلسفة قايد رشيد=إمشبره قلبي غلا .. من مشرقه لي مغربه
تعشق قصيدي .. كثر عشق السيف ليد ابن الوليد=واعشق حكاها .. وارخي اذاني غلا واستوعبه
مستوطنه تفكيري .. ومتقوقعه وسط الوريد=ولو تكشف اضلاعي بتلقاها .. بأعلى مرتبه
اذوب في توت الوصل .. واضيق لو تقفي بعيد=ماعاد يغنيني عن احكاها .. سوالف معجبه
وياصاحبي لاعاد تنشدني وش احوال القصيد=شفني وشف دمعي ليا من ضقت وشلون اسكبه
فهد بن شويمي الخييلي |
الله الله ياحلوها يافهد الخييلي
صح لسانك وتعهد لنا بتكرارها
24-04-2008, 01:38 AM
رد: مصافحه أولى ... هجوس البعد
العرض المتطور
المواضيع المتشابهه
