يا باغي البكر السناد الرقاقة

[معلومات العضو فهد الغريري]

المشاركة الأصلية كتبت بواسطة دغش البطي

يا باغي البكـر السنـاد الرقاقـة=اللي غريبٍ شكلها ياهـل النـوق
اللي عشقها راعي البل عشاقـة=أشتاقها من دون عاشق ومعشوق
من جات عنده جات سيـد نياقـة=مع عرضها اللي وافيٍ طولها فوق
يلعـب لهـا جمهورهـا باللياقـة=لا جا نهارٍ فيه ملحـق ومفهـوق
في زمة المربـاع فيهـا طفاقـه=زرجٍ تقوده في المرابيع مطفـوق
دور لبوها فـي فحـول الرفاقـة=خطوا أملحٍ متنيوطٍ كنه ملحـوق
كنه اٍليا اقفا فاجـحٍ فـوق ناقـة=وليا نطحته في النحر كنه مدقوق
من طول عظمة من بعيـدٍ دقاقـة=فليا قربته شوقك بالعضـا شـوق
افجح تعاوج لا مشا عظم ساقـة=والخف كنه مدرعٍ فيـه طابـوق
وسنامه المذروب فيه انفهاقه=والذيل سدو(ن) هلة(ن) عادة فتوق
واللحي كنه يرتخي من عواقه=واطيمس تفانسة كنه فالوق
وليا مشا ثم التقع باصطفاقه=يشوق راعا الصنف ويتوق له توق
لاانحل قيده وانزعج بانطلاقه=ماكن كرسوعه بفي الزور مبنوق
زينه مقيم(ن) من غرايس اعماقه=امعرب(ن) زينه على ساس واعموق
يادافع(ن) ماله على غير فاقه=اليا لقيته فادفع الطاق مطبوق
لاشك فاهل البر شوفه شفاقه=ولاهو يوقف بين صفة هل السوق

العزيز الغالي والشاعر المبدع ابومحمد " دغش البطي "

عز الله يابومحمد انك تحرج الواحد في ردودك الجزله

وهذا يدل طيب ساسك ياصلب زايد جعلك تحيى

ويشهد الله ان كلامك المنسق يعطي الواحد منا دافع معنوي

لكي يبذل مجود في سبيل هذا المنتدى الكريم

واسأل الله ان يبارك فيك وفي مجهودك الملموس للعيان

تقبل تحياتي وتقديري واحترامي واعتزازي فيك يابومحمد

اخــوك / فـــهــــد الــغـــريـــري,,,,