قصيدة الشاعر فراج محمد الهواشله الدوسري

[معلومات العضو المعلم]

المشاركة الأصلية كتبت بواسطة المعلم

انالياظاق صري وانعمس راسي
ضربت لي جـــــو خالي من هل النمه
اكره هل الكذب واكــــــــــــره كل بلاسي
اللي يشيل الهــــــروج ومهفي الذمه
ارتاح في جو خـــالي مــــــــــابه اوناسي
مـــافيه كــــــــود الحباري فيه ملتمه
وانامعي حر(ن)اشقـــــــر فالهـــددقاسي
سوه على الخرب الى من كابر يخمه
امقيس الطول معه العـــــــــرض متواسي
نادر حرار(ن)مقــــــــره عالي القمه
في مرتع(ن)ريح عشبه يجلي الا عماسي
ريح النفل يعــجب المشتاق لا شمه
من عقب سيله قفــــــر ماحيس وانداسي
راع الولــع لامشابه ينجــلي همـــه
فيه الكــما والـــزبيدي مـــــــــاله قياسي
كنه نهـــــود(ن)تشيل الثوب منزمه
يازين ريحه عصـــــــــــر لا هب نسناسي
ريح النفل والخـــــــزاما فاح من يمه
هذاهوا خاطـــــري من صادق احساسي
وكل(ن)على شف باله وجـــه اليمه
من دونه البعــــد يرهق هافي الساسي
ماياصله كـــــود رحل(ن)همته همه
يابو محمد شربت المــــــــــــــربالكاسي
من شوف ناس(ن)تقول الزوروتعمـه
هـــــــرج القفاطبعهم والسب فالناسي
كـــــم مسلم(ن)بالمغيبه حللودمه
باشكي لك الحال يوم الفكــــر منحاسي
وشرواك يالقرم ياقف مع بني عمه

تعد يل بعض اخطاء مطبعيه مع تحيات المعلم