دواســـــــر بالحرب يهدون الأعمـــار

[معلومات العضو عبدالله بن فهد الصخابره]

سبحان مـن واعـد هـل الكفـر بالنـاروأهــل التـقـى بالمغـفـره والستـيـره

من شي المزون اللي بها ديم الامطارنرجـي عـطـا جــوده ومــده وخـيـره

مجري على وجه الوطا فيـض الانهـاروالعبـد يـعـرف وش نهـائـة مصـيـره

نطلـبـه منجـهـاج السـعـاده والابــراروقـولاً عـلـى وضــح النـقـا نستنـيـره

ونهجـا علـى درب الصحابـه والانصـارولــعــل مـاقـلـنـاه خــيــر وخــيــره

ماينـجـرف فـكـري مــع كــل تـيــاريـاخــذ مـفـيـده ويـتـجـاهـل كـثـيــره

ابافتخـر بفـعـول ربـعـي هــل الـكـارقــولٍ عـلـى بـرهـان ماقـلـت غـيـره

هـب النسيـم وعانـقـه نـفـح الازهــاروالفكـر عـانـق فـيـه نـشـوة عبـيـره

الشـعـر بـحـرٍ يسبـحـه كــل بـيـطـارولاكــــل ســبــاح يــعــدي غــزيــره

لاقالـو الشـعـار فــي بــدع الاشـعـاراقطـف ثمـر مـالاق واسخـر عسيـره

مالـي عـن الميقـاف صــده ومـعـذارفـي مـدح طلقيـن الوجيـه السفـيـره

اهـل الفخروالمـجـد وافـيـن الاشـبـارقومـاً لهـم فـي صفحـة العـز سـيـره

دواســر بالـحـرب يـهـدون الاعـمــارلاولعـت فـي الحـرب نــار السعـيـره

اثقـل علـى البيـدا مـن جبـال سنجـارخيالـهـم يـركـى الـجـمـوع الغـفـيـره

ايمانـهـم تــروي عـطـش كــل بـتـارداوت عمـا عمـي البـصـر والبصـيـره

ويـوم البيـارق رفرفـت والدخـن ثــاروالجـمـع يـرسـي والمـنـايـا مـغـيـره

وردو حيـاض المـوت بعـزوم وصـرارمـاخـاب مــن رب الـبـرايـا نـصـيـره

وغشـا العدامـه رايــب الــدم وغـبـاروصارت على الجمع المعادي كسيـره

من دون زين الغرس حلـوات الاثمـارشـلــف تـقــدم لـلـمـعـادي بــريــره

مـاسـورت دون الطمامـيـع بـاســواراسوارهـا حـدب السيـوف الشطـيـره

يـصـرم ثمـرهـا لالـفـا الــدار خـطـاروتـشـرب قــراح مايغـثـرب حـفـيـره

الضـيـف يلـقـى عنـدنـا بـــن وبـهــاروحـيـل تـقـدم بالـصـحـون الكـبـيـره

ومن مثلنا يمن وياسـم عصـى الجـارلاحـدتــه ســــود الـلـيـالـي نـجـيــره

نـدي وفـاة الجـار مـن طيحـه جــدارســلـــمٍ تـغـنـوبــه رواة الـجــزيــره

ونوفي حقوق الجار في السـر وجهـارونـذبـح ولـدنـا لـجـل مـوتـه غـريــره

ومن دون حلوات اللبن حسك الاوبـارنـمــراً بمـفـتـوق الـقـنـا والـذخـيــره

يـامـا حمينـاهـا عـلـى قــب الامـهـاربمـصـقـل تـرعــب شـبـاتـه جـفـيـره

ترعى الطرف ماهالهـا روع الاخطـارحـتـى الـعـدو مـاقـد شعـاهـا نـذيـره

يازينـهـا لافـرعـت عـقــب مـصـفـاروبطـا مـن الـعـد المسـمـى صـديـره

واقـبـل ولاد القـاحـهـا والـبــر طـــارعــن كــل نابـيـة الفـقـار الظـهـيـره

شرقـي جبـال طويـق ويميـن ايـسـارشـرد الجـوازي مــن طرفـهـا تـذيـره

تلـقـى لـهـا فــي كـــل دارٍ لـهــا دارتـتـبـع حـيــا نـــوٍ جـذبـهــا بـشـيــره

لا لاح بـرقٍ فــي دجــا للـيـل سـمـاروفــي غــب بـراقـه شعـاهـا غـثـيـره

فـي شفهـا مــن دون تحـديـد وحـيـارتـرعـى ثـمـر نبـتـه وتـطـرق غـديـره

وصغيـرنـا ينـشـا عـلـى شـبـة الـنـارتبقـى العظايـم فـي عيـونـه صغـيـره

مهـمـا كتبـنـا مــن تـواريــخ واخـبــاريصـبـح قلـيـل فــي زحــول جـزيــره

فـي نجـد سدنـا كـل الانحـا والاقطـاروحفـظ لنـا التـاريـخ شـمـس منـيـره

 

 

 

 

[معلومات العضو فارس الدبالين]

كفو كفو كفو يابوفهد

وصح لساااانك الى ماله مدا يالشاعر الجزل والمبدع

والله يبيض وجهك على القصيده الشامخه بشموخ من قيلة فيهم

مبدع وابداعك يرقى ويتجدد يوم ورا يوم يالذيب وانا اشهد انها تشفعلك ونص.

سعدت وتشرفت بمروري بهذه الشامخه واللي ترفع الراس

والله يوفقك يابوفهد وتاخذ لقب شاعر الوطن

تحياااااتي واحتراااامي ..

 

 

 

 

[معلومات العضو عبدالله بن فهد الصخابره]

سلمت يافارس ولا هنت طال عمرك ولا عليك زود والله يكتب اللي فيه الخير للجميع مرورك وتعليقك شرف بحد ذاته لا اخلا ولا اعدم

 

 

 

 

[معلومات العضو شافي بن راشد النتيفات]

ارحب ياشاعر الوطن وصح لسانك ملايين قصيدة جزلة من رجال جزل وشهادتي فيك مجروحة

 

 

 

 

[معلومات العضو عبدالله الحافر الغييثي]

ابوفهد ارحب ترحيبة غالي بغاليه صح لسانك واعتلى شانك يابحـــــــر عروس من الطراز الفريد...وليس غريب على ابوفهد هذا السبك والحبك الطاغي تقبل مني الاعجاب والتقدير

 

 

 

 

[معلومات العضو محمد مطلق آل بريك]

صح لسانك يأبو فهد عزالله أنها قصيده جزله من شاعر جزل

ومن طول الغيبات جاب الغنايم ..

شاعر عذب ومستوى راقي فأنتقا المفرده ...

تقبل مروري ولا فظ فوك ...

 

 

 

 

[معلومات العضو محمد بن سالم الخضراني]

ابو فهد

صح لسانك ولاهنت يالقرم قصيده اكثر من رائعه

وشهاتي فيك مجروحه والدواسر يستاهلون المدح والثناء

تقديري ,,,

 

 

 

 

[معلومات العضو عبدالله بن فهد الصخابره]

اقتباس:المشاركة الأصلية كتبت بواسطة شافي النتيفاتارحب ياشاعر الوطن وصح لسانك ملايين قصيدة جزلة من رجال جزل وشهادتي فيك مجروحة

صح الله بدنك وبك البقى يالقرم وتشرفت بمرورك وتعليقك الرائع الله يحفظك

 

 

 

 

[معلومات العضو ناصر بن فهد]

صح لسانك واعتلى شاانك

 

 

 

 

[معلومات العضو نايف الخييلي]

صح لسانك على القصيده الجزله يابو فهد

وقصيده فوق الجزله وفوق الابداع


وبيض الله وجهك عليها

 

 

 

 

[معلومات العضو سالم بن صمهود]

ماسورت دون الطماميـع باسـوار=اسوارها حدب السيـوف الشطيـره
يصرم ثمرها لالفـا الـدار خطـار=وتشرب قـراح مايغثـرب حفيـره
ومن مثلنا يمن وياسم عصى الجـار=لاحدتـه سـود الليالـي نجـيـره
الله الله
صح الله لسانك يابوفهد
ملاااااااااااااااااااييييييييييييييييييييين ولاهم بكافيييييييييييييييييين

 

 

 

 

[معلومات العضو مبارك بن الجوير]

مالي عن الميقـاف صـده ومعـذار
في مدح طلقيـن الوجيـه السفيـره

اهـل الفخروالمجد وافيـن الاشبـار
قوماً لهم في صفحـة العـز سيـره

دواسر" بالحـرب يهـدون الاعمـار
لاولعت في الحـرب نـار السعيـره

اثقل على البيدا من جبـال سنجـار
خيالهـم يركـى الجمـوع المغيـره

ايمانهم تـروي عطـش كـل بتـار
داوت عـما عمي البصر والبصيـره
*******

صح الله لسااااااااانك ليييييين ترضى
وااافي جعلك حي وغني يا بوفهد
جزالة وفكر ونهل ابداااع ماشاءالله عليك
الممدوحين يستحقون ماقلت بأمر الله
وأنت والنعم فيك وبربعك اخووي عبدالله
اسعدني مروري المتواضع تقبله لاهنت..

 

 

 

 

[معلومات العضو محمد العبداللطيف]

صح السانك اخوي عبدالله وكفووو والله الجزل

 

 

 

 

[معلومات العضو دغش محمد الصخابرة]

صح لسانك واعتلى شاانك


والله يبيض وجهك على القصيده

تحياااااتي واحتراااامي ..

 

 

 

 

[معلومات العضو عبدالله بن فهد الصخابره]

اقتباس:المشاركة الأصلية كتبت بواسطة شافي النتيفاتارحب ياشاعر الوطن وصح لسانك ملايين قصيدة جزلة من رجال جزل وشهادتي فيك مجروحة

ارحب طال عمرك شرفني مرورك وتعليقك يالقرم وصح الله بدنك